Psalm 74:3 - Edo Bible (E Baibol Ẹdo) Version 1996

³ Khian la emwi ni rẹnkhuan na gberra avbe eghian mwa rẹnkhẹn emwi ni rre Ọgua Osa fo.

Psalm 74:3 ပူးပေါင်းရင်းမြစ်များ

II Ọba 25:9

Ọ keghi giẹn Ọgua Osa a, kevbe ẹguae, kevbe owa emwa ni hin usi hia ni rre Jerusalẹm.

Nehimaia 1:3

Iran keghi tama mwẹ wẹ uwu ọlọghọmwa nọkhua ọ re iran ye ighẹ iran ni miẹn uhunmwu ya sẹ owa, kevbe wẹ avbe erhunmwuyẹn ni yin lẹga iran I zẹdẹ ghe iran sọmwa, iran kevbe tama mwẹ wẹ te ekẹn ne a gbe gaa e Jerusalẹm he ye rẹnkhuan kevbe wẹ a ma he ye dọlegbe bọ onurho ẹre ke ẹghẹ ne iran ya giẹn ọnrẹn gha dee.

Nehimaia 2:13

Asọn he ye nọ vbe ima la Onurho Iya ladian ore ẹvbo vbe obọ orrie, ma keghi khian ghe odẹ ekẹn, a na la Ẹzẹ Ugbogiorinmwi gberra gha rrie Onurho Otiku. Vbene I lae khian, I kegha ghe ehe ne ekẹn ẹvbo ni na guọghọ kevbe avbe onurho ne erhẹn giẹn uan.

Nehimaia 2:3

Rhunmwuda ọnii, I keghi wanniẹn wẹẹ, “U gha tọ u kpẹre Umogun, vbọzẹ ne ekhọe mwẹ i ra na rhia ugbẹn vbe a miẹn wẹ ẹvbo ne a re avbe erhamwẹ odede yi, a rẹnkhọn ruan, a keghi ya erhẹn giẹn urho ne ọ rrọọ?”

Psalm 44:23

Rhiọrre, Nọyaẹnmwa, vbọzẹ ne u na vbiẹ yi? Guọnmwẹ egbe kpaegbe; ghẹ he ima ye otọ rhinrin ẹdẹ.

Psalm 44:26

Gha dee do yi ima obọ rhunmwuda ahoẹmwọmwa ruẹn ne ẹ i beghe miẹn mwa fan.

Psalm 79:1

Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 61:4

Iran gha dọlọ avbe ẹvbo nii bọ ni te re itowa ke ẹkpo nii gha dee.

Jerimaia 52:13

Ọ keghi giẹẹn Ọgua Osa sẹ otọ deba owa emwa ni hin usi hia ni rre Jerusalẹm.

Eve Orriara 1:10

Avbe eghian do ẹre emwi ne ọ mwẹ hia viọ. Rẹn ye aro ẹre bẹghe iran vbe iran lao uwu Ọgua Osa tobọ ẹre; ehe ne Nọyaẹnmwa wẹ ne emwa ne ẹ i re Ju ghẹ lao.

Daniẹl 11:31

Eso vbe ivbiyokuo ẹre gha ru awua vbe uwu Ọgua Osa, iran gha dobọ izọese ẹdẹgbegbe yi, iran ghi mu ‘Emwikhọ Ugborrirri’ gbọọ.

Daniẹl 9:17

Osanobua họn erhunmwu kevbe erinmwian mwẹ. Dọlegbe rhie Ọgua Osa ruẹ ne iran dunmwu uan ye ihe, dọlegbe rhie ẹre ye ihe ne emwa hia miẹn ehe na rẹn ighe wẹ ọrọre Osanobua.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Maika 1:3

Ehe nọhuanrẹn ọghe ọe ọ re Nọyaẹnmwa gha kegha dee. Ọ gha tuorre, ọ ghi gha khian vbe uhunmwu avbe oke ni yo.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Iyẹn ne ọ Maan Ọghe Mak 11:17

Ọ keghi ma avbe emwa ni re wẹẹ, “A gbẹn ọẹn ye uwu Ebe wẹ Osanobua khare wẹẹ, ‘Owa mwẹ owa erhunmwu ọghe emwa hia ọre a gha tie ẹre re,’ sokpan wa fiẹe werriẹ khian ẹgun avbe oyi!”

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Jọsua 10:24

Iran ghi viọ avbe ọba nii sẹ ehe ne Jọsua ye nẹ, ọ keghi tie ivbi Izrẹl hia rriegbe, ọ na tama avbe emwa iwinna rẹn ni lele ẹe gha khian wẹẹ, “Wa larre, wa viọ owẹ uwa yan ẹyaẹn avbe ọba na.” Iran keghi ru vberriọ.

Arhie Maan 11:2

Sokpan ghẹ ka iran ni rre iba ore yọ. Ghẹ mwa iran, rhunmwuda, a zẹ iran obọ ne iran ni ma yayi nẹ, iran ni gha do gbe ọgọlọbọ vbe uwu Ẹvbo Ne Ọ Huanrẹn la uki eva yan iyeva.