Psalm 74:21 - Edo Bible (E Baibol Ẹdo) Version 1996

²¹ Ghẹ gi ekhue mu ọmwa ne a zẹ kpokpo, gie avbe ivbiogue kevbe ne ẹ i mwẹ nii, gha rho ruẹ.

Psalm 74:21 ပူးပေါင်းရင်းမြစ်များ

Ẹzra 3:11

Iran keghi sihuan ghe Nọyaẹnmwa iran na gha rra ẹre wẹẹ, “E Nọyaẹnmwa maa, etẹbitẹ ọre aho ẹmwẹ ọmwa rẹn khin ghe Izrẹl.” Emwa hia keghi wa ya ẹtin hia gha wee, iran na gha rho e Nọyaẹnmwa rhunmwuda, a suẹn iwinna ẹyotọ Ọgua Osa ne a gbe nẹ.

Psalm 103:6

Ọmwa ne a zẹ kpokpo, ọre Nọyaẹnmwa bu ohiẹn na, ọ ghi vbe gie emwi ne ọ khẹ ke iran sẹ iran obọ.

Psalm 109:22

Ovbiogue kevbe ne ẹ i mwẹ, ọre imẹ khin; ẹko zughu mwẹ ya sẹ otọ ibiẹ.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 35:10

Me gha ye ekhọekekhọe mwẹ tama Nọyaẹnmwa wẹẹ, “Ọmwa ne a ya gie ruẹ i rrọ, wẹ ne ọ fan nọ ma wegbe yotọ vbe obọ ọmwa ẹtin kevbe ovbiogue vbe obọ ne ọ zẹ ọe kpokpo.”

Psalm 9:18

A i ra mianmian ne ẹi mwẹ rhinrin ẹdẹ. A i ra vbe fuẹn idaehọ ovbiogue ua ẹdẹdẹmwẹdẹ.

Aizaia 45:17

Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”