Psalm 74:2 - Edo Bible (E Baibol Ẹdo) Version 1996

² Ye avbe emwa ruẹn rre, ne u tobọ zẹ ne egbe ruẹ, ke ẹghẹ ne ọ kpẹre gha dee, emwa ne uwẹ viọ ke uwu ọviẹn ladian ne iran do gha re ẹwae ruẹ. Ye Oke Zaiọn rre ehe ne uwẹ ka dia yi.

Psalm 74:2 ပူးပေါင်းရင်းမြစ်များ

Psalm 106:40

Rhunmwuda ọnii Osanobua mu ohu ghe emwa irẹn, ẹmwẹ iran keghi khan irẹn.

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Psalm 33:12

Afiangbe ọrọre ọghe uhunmwu ẹvbo ne Nọyaẹnmwa re Osanobua ẹre. Afiangbe ọrọre ọghe emwa ne irẹn zẹ ya ru ọghọe.

Psalm 68:16

Vbọzẹ ne u na ye otilua ke odukhunmwu oke ruẹ, gha ghe oke nii ne Osanobua zẹe wẹ rẹn gha dia yi? E Nọyaẹnmwa gha di evba ya rhinrin ẹdẹ.

Psalm 77:15

Ẹtin ruẹn ọ re u ya miẹn emwa ruẹn fan ivbi uniẹn Jekọb kevbe Josẹf.

Psalm 9:11

Wa so ihuan ghe Nọyaẹnmwa, ne ọ khaemwisẹ vbe Zaiọn! Wa na iyẹn emwi ne ọ ru ma uhunmwu ẹvbo hia!

Psalm 9:12

Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Psalm 94:14

E Nọyaẹnmwa i ra he emwa rẹn yotọ, rẹn i ra fi iyeke gbe iran ni re ọghọe.

Ẹksọdọs 15:13

Wẹ nọ mu eyan ruẹn sẹ, u keghi su avbe emwa ne u dẹ werriegbe, ẹtin ruẹn ọre u ya ma iran odẹ, gha rrie owa ruẹ ne ọ huanrẹn.

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Aizaia 62:12

A gha tie uwa, “Emwa nọhuanrẹn ọghe Osanobua,” “Emwa ne Nọyaẹnmwa miẹnfan.” A gha tie Jerusalẹm, “Ẹvbo ne Osanobua ho ẹmwẹ ọnrẹn,” “Ẹvbo ne Osanobua ma fi Iyeke Gbe.”

Aizaia 62:6

Jerusalẹm, I viọ avbe abodẹ ye ekẹn ọlẹga ruẹ nẹ ohan i gie iran hunmwan vbe avan ra asọn te iran ra gha ye Nọyaẹnmwa eyan ne ọ yanrẹn rre, iran i vbe gie irẹn mianmian.

Aizaia 63:17

Vbua ghi na gie ima bibi hin odẹ ruẹ rre hẹ yi? Vbua ghi na gie ima zevbudu sẹrriọ, ne ima ghi na fi iyeke gbe uwẹ? Werriegbe rre, rhunmwuda iran ni ga uwẹ, rhunmwuda iran ni wa re ọwuẹ, ke otọe gha dee.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 51:19

Osanobua Jekọb i ye vbe iran, rẹn ọ re ọmwa ne ọ yii emwi hia, ọ keghi zẹẹ Izrẹl ne iran wa gha re emwa irẹn to bọ irẹn. E Nọyaẹnmwa ne Oghodua ọre a tie ẹre.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Diuteronomi 32:9

Sokpan ọ zẹ ivbi e Jekọb zẹ vbe ọghe ọe.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

Diuteronomi 9:26

I keghi na erhunmwu wẹẹ, ‘E Nọyaẹnmwa ne Udazi, lahọ ghẹ fuẹn emwa ruẹn uan, emwa ne u ya ẹtin kevbe iwegbe ruẹ fan vbe irri, u kevbe viọ iran ke otọ Igipt rre.

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.