Psalm 74:13 - Edo Bible (E Baibol Ẹdo) Version 1996

¹³ Ẹtin ruẹn nọkhua ọre u ya wa okun ye ihe eva, u na salọ uhunmwu avbe Ugbogiorinmwi ẹzẹ kua.

Psalm 74:13 ပူးပေါင်းရင်းမြစ်များ

Nehimaia 9:11

U zẹ odẹ ye adesẹ okun ne emwa ruẹn. U na viọ iran la otọe ne ọ kae gha khian. Iran ni khulo iran khian ke wulo ye uwu amẹ, vbene okuta ye vbe okun ne Ọ gbinna.

Psalm 66:6

Ọ ye okun khian otọe ne ọ kae, avbe erha mwa odede keghi ya owẹ fian ẹzẹ rra. Ma ghọghọe ye emwi ne ọ ru vbe evba nii.

Psalm 78:13

Ọ wa okun ye ihe eva, ọ na viọ iran la ẹe gberra, ọ keghi ru ẹe ne amẹ mudia, zẹvbe egbekẹn.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Ẹksọdọs 14:28

Amẹ keghi lẹ werriegbe rre, ọ na ro gue avbe ikẹkẹ okuo, iran nii gua ẹe kevbe ivbiyokuo Igipt hia nii lele ivbi Izrẹl la uwu okun, ọkpa ne ọ miẹn uhunmwu i rrọọ.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Ezikiẹl 32:2

“Ovbi ọmwa, hẹko tama ọba Igipt yotọ, ta uhunmwu ne I gie ma rẹn wẹẹ: U gha ru vbe ne oduma ru emwi vbe uwu ẹbu agbọn ẹvbo, sokpan, emwi ne u khọ sẹ ọrọre agbaka ne ọ vin lele uwu amẹ khian. U ya owẹ ruẹ tughu amẹ, u keghi gie ẹzẹ ni gbiruẹn.