Psalm 73:3 - Edo Bible (E Baibol Ẹdo) Version 1996

³ Rhunmwuda, I kegha gbe ọ ma kan uwa ne iran ni tọn egbe mu, vbe I miẹn wẹ emwi wa dinna odẹ ne emwa dan.

Psalm 73:3 ပူးပေါင်းရင်းမြစ်များ

Job 12:6

Avbe oyi kevbe emwa ni ma rẹn Osanobua, ghi gha rrọọ vbe ọfumwegbe. A gha rhe miẹn wẹ, ẹtin obọ iran ọrọre Osanobua iran.

Job 17:8

Izegbe zẹ iran ni wẹ iran ta ẹmwata, ehia keghi kha wẹ ọmwa dan ọre I khin.

Job 21:7

“Vbọzẹ ne Osanobua na giẹ emwa dan gha rre agbọn yi, iran ghi tọ, agbọn ghi vbe maa iran?

Job 24:23

Osanobua sẹtin giee gha rrọọ vbe a i mwẹ ẹbe, sokpan ọ wa baba ẹe vbe ẹghẹ hia.

Psalm 10:5

Ọmwa dan wa miẹn ọ dunnaẹn vbe emwi ne ọ ru hia, ẹi sẹtin rẹn otọ ibuohiẹn Osanobua. Te ọ ghe avbe eghian rẹn, silaa.

Psalm 37:1

Ghẹ si osi ba ẹmwẹ ọmwa dan, ghẹ ye aro yi emwi ọmwa ne ọ rra iyi.

Psalm 37:7

Zin egbe ne u rhie ẹghẹ ne Nọyaẹnmwa ya winna. Ghẹ si osi ye ẹmwẹ iran ne agbọn maa rẹn, ra ye emwa ne iro dan ne iran zẹ dunna na.

Itan 23:17

Ghẹ gie ekhọe ruẹ la ghe ẹmwẹ emwa orukhọ, gie ayọghọ ne Nọyaẹnmwa gha re emwi ne u mu aro yi vbe agbọn.

Itan 24:1

Ghẹ gbe ọ ma kan uwa ne emwa dan, ghẹ vbe gu iran ru ọse.

Itan 3:31

Ghẹ ya aro yi emwi ọmwọkhọ, ra ne u wẹ ne u gha ye egbe ta iran,

Asan-Ibo 7:15

Te ẹdẹ agbọn mwẹ kulo, sokpan aro mwẹ miẹn emwi hia nẹ vbọ. Ọmwa esi sẹtin wa wu vbene ọmwa ọvbehe na ye tọ khian, egbe ne ọ ya re ọmwa dan.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Malakai 3:15

Vbene ima ghi ghe ẹre na, iran ni tọn egbe mu ọ re ọ ghi rre uwu oghọghọ. Ẹire wẹ te agbọn wa ma emwa dan ọkpa, sokpan iran ghi ye uyinmwẹ dan iran danmwẹ Osanobua ghe ne egbe wọ ẹre, a i vbe ru iran emwirhọkpa.’ ”

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”