Psalm 73:27 - Edo Bible (E Baibol Ẹdo) Version 1996

²⁷ Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Psalm 73:27 ပူးပေါင်းရင်းမြစ်များ

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

Ẹsta 9:30

Avbe Ju hia ọ re a gbẹnnẹ ebe nii gie, a keghi gha ẹre gba iyaẹvbo ihinrọn yan iyehan (127) ne ọ rre Otọe Arriọba e Pẹsia. Ọ keghi na erhunmwu ọfumwegbe kevbe ẹkun ne ọ sotọ gie avbe Ju.

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Psalm 119:155

A i ra miẹn emwa dan fan, rhunmwuda, iran i ya uhi ruẹ ru emwi.

Ẹksọdọs 34:15

Ghẹ gu emwa ẹvbo nii ru emwamwa emwi, iran gha ru ẹbọ iran, iran na zọ ese ghe iran, iran sẹtin rẹrẹ uẹ ya uwẹ rri evbare ne iran ya zọ ese ghe ẹbọ iran.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Jerimaia 12:2

U gbọ iran, iran keghi zẹlẹ inian iran wan rẹn, iran keghi mọ. Ẹghẹ hia iran ya so eni ruẹn ne ọ maa sevba, iran i mobọ zẹ ye uwẹ re.

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Nọmbas 15:39

Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Ẹfisọs 2:13

Sokpan, banbanna nian, vbe uwa ghi ku egbe kugbe ba Kristi Jesu nẹ, wa ne ọ te wa rre urria, te a ghi ye uwu ne Kristi wu si uwa kẹ egbe.

Ẹfisọs 2:17

Rhunmwuda ọnii, Kristi rre, ọ keghi do kpe orhu Iyẹn Ne ọ maa ọghe ọfumwegbe ma emwa hia, ma uwa ne ẹ i re Ju, wa ni te khian rrei vbe ehe ne Osanobua ye, kevbe ima ne avbe Ju ni sikẹ ọre.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?