Psalm 73:26 - Edo Bible (E Baibol Ẹdo) Version 1996

²⁶ Egbe sẹtin wọ mwẹ ne ẹtin vbe fo mwẹ, sokpan, Osanobua ọrọre ẹtin mwẹ emwi okpa ne I gbinna ho ọrọre irẹn.

Psalm 73:26 ပူးပေါင်းရင်းမြစ်များ

Job 13:15

Idaehọ mwẹ fo nẹ, rhunmwuda ọnii, ẹ i ghi mwẹ asa a deghẹ Osanobua gbe mwẹ uan. I gha gui ene unumwẹ ma rẹn.

Psalm 119:57

Wẹ okpa ọ re I ho Nọyaẹnmwa, I yan rẹn ighe I gha mu uhi ruẹ sẹ.

Psalm 138:3

U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 142:5

Nọyaẹnmwa, I kpe tie ruẹ ne u yọmwẹ obọ, wẹ, e Nọyaẹnmwa, ọrọre ne ọ rhie mwẹ lẹre, wẹ ọrọre emwi okpa ne I ho vbe agbọn na.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 40:12

Orueghe nibun lẹga mwẹ ọ bun gbe, a i sẹtin ka ẹe. Obọ orukhọ mwẹ vba mwẹ, mẹ i ghi sẹtin bẹghe, iran bun sẹ eto ne uhunmwu mwẹ ẹtin fo mwẹ nẹ.

Psalm 63:1

Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Eve Orriara 3:24

Mẹ i mwẹ emwi ọvbehe gberra e Nọyaẹnmwa rhunmwuda ọnii, uwu irẹn ọ re idaehọ mwẹ ye.

Filipai 1:21

Rhunmwuda, de emwi ne ọ mobọ re a rre agbọn na yi? Zẹ vbe ọghomwẹ, Kristi ọre nọ. Rhunmwuda ọnii, uhin ighẹ emwi ne ọ maa sẹ ọnii ọre uwu gha ghi rhie rre.

II Pita 1:14

Rhunmwuda, mẹ rẹnrẹn wẹ, vbe ọ ma he kpẹe wan, I gha ban egbe ne ọ sẹtin wu na mu fua, zẹ vbene Nọyaẹnmwa Kristi ta ma mwẹ sẹsẹsẹ.

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.