Psalm 73:25 - Edo Bible (E Baibol Ẹdo) Version 1996

²⁵ Demwi ọvbehe ne I mwẹ vbe ẹrinmwi gberra uwẹ? Ugbẹn vbe I ghi mwẹ uwẹ nẹ, de emwi ọvbehe ne I ye ho vbe agbọn?

Psalm 73:25 ပူးပေါင်းရင်းမြစ်များ

Psalm 104:34

Te ihuan ne I so gha yẹ ọre, rhunmwuda, ehe ne irẹn ye, ọre orhiẹnrhiẹn mwẹ ke rre.

Psalm 16:11

Wẹ gha ma mwẹ odẹ ne ọ rriẹ arrọọ, I vuọn ne ọyẹnmwẹ rhunmwuda ighe u rre emwa na, u vbe rhie oghọghọ mẹ ẹdẹdẹmwẹdẹ.

Psalm 16:2

Mẹ tama Nọyaẹnmwa wẹẹ, “wẹ ọrọre Nọyaẹnmwa, ehe ne u ye, ọre ọma ne I mwẹ hia ke rre.”

Psalm 16:5

Wẹ ọkpa ọre I mwẹ Nọyaẹnmwa, wẹ vbe viọ emwi ne I i mwẹ hia mẹ. Ẹdẹ nakhuẹ mwẹ, obọ ruẹ ọre ọ ye.

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 37:4

Gha gualọ ọyẹnmwẹ ruẹn vbe uwu e Nọyaẹnmwa; rẹn gha vbe rhie iho ekhọe ruẹ ne uẹn.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Psalm 63:3

Aho ruẹ ne ẹ i beghe maa sẹ arrọọ tobọre rhunmwuda ọnii mẹ gha rho ruẹ.

Psalm 89:6

Ọmwa ne ọ ye vbe ruẹ irre ẹrinmwi Nọyaẹnmwa, avbe ekamakodin ẹrinmwi ne ọ re ne uwa gba re ọkpa i rrọ.

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Matiu 5:8

Ọ maa ne iran ne ekhọe ẹre hianrẹn, iran gha miẹn Osanobua aro!

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

I Jọn 3:2

Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.