Psalm 73:18 - Edo Bible (E Baibol Ẹdo) Version 1996

¹⁸ Te uwẹ ra viọ iran ye ehe ni miọnghọn, u ghi gie iran dele la ọrhiae rriẹ.

Psalm 73:18 ပူးပေါင်းရင်းမြစ်များ

Psalm 35:6

Te odẹ iran gha so ebiebi, ne ọ gha miọnghọn, ne odibosa e Nọyaẹnmwa gbele iran ku otọ.

Psalm 37:20

Sokpan, avbe emwa dan gha wulo avbe eghian Nọyaẹnmwa gha hoho ua zẹ vbe obobo oha. A gha ho iran bẹkun zẹvbe ighogho.

Psalm 37:24

Deghẹ iran de, iran i ra wa gha rre evba. Rhunmwuda e Nọyaẹnmwa gha silo iran kpaegbe.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Psalm 92:7

ọmwa dan sẹtin wan vbe irunmwu agbọn sẹtin maa iran ni ru emwi dan, sokpan, a gha fuẹn iran fo fẹẹrẹ.

Psalm 92:8

Rhunmwuda, wẹ ne Nọyaẹnmwa ọ re ọ sẹẹ emwi hia rhinrin ẹdẹ.

Psalm 94:23

Ọ gha rri iran oya ye emwi dan ne iran ru, ọ gha fuẹn iran an ye ẹmwẹ orukhọ iran, e Nọyaẹnmwa, Osanobua mwa gha fuẹn iran an.

Jerimaia 23:12

Odẹ ne iran la khian gha miọnghọn, ọ ghi vbe so ebiebi I gha gie iran rrua owẹ ne iran dele. I ra gie ọkhọ do rruan iran ẹghẹ ne a gha na rri iran oya dee. Mẹ ne Nọyaẹnmwa tae nẹ.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.