Psalm 73:16 - Edo Bible (E Baibol Ẹdo) Version 1996

¹⁶ I keghi te gha hia ne I miẹn otọ emwi na, sokpan ọ wa wegbe sẹ mwẹ.

Psalm 73:16 ပူးပေါင်းရင်းမြစ်များ

Psalm 36:6

Umamwẹ ruẹn gbe ogege vbe oke ne ọ yo. Ẹmwata ruẹ yevbe orinmwiamẹ okun, wẹ ọ re ọ gbe aro ghe emwa nagbọn kevbe avbe aranmwoha.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 77:19

Wẹ ya owẹ khian la uhuemwẹ amẹ; u fian okun ne ọ dinmwi rra; sokpan a ma miẹn ama owẹ ruẹ vbe otọ.

Psalm 97:2

Okuku kevbe ebiebi lẹga ẹre; ẹmwata kevbe uhunmwu ẹmwẹ ọ re ọ ya khaemwisẹ.

Asan-Ibo 1:17

I keghi vbe kha wẹ, I gha ruẹ alughaẹn ne egbe ne ọ rre irẹnmwi kevbe ukọnmwẹ, aro ne ọ hianrẹn kevbe emwẹmwẹ. Sokpan, I keghi miẹn wẹ te ọ yevbe ne ọmwa khu ẹhoho khian.

Asan-Ibo 8:17

Vbene ẹ i na vbe sẹtin rẹn emwi ne Osanobua ru. Vbene ọ khọn ruẹn ne u ziga sẹ, u i miẹn otọ ẹre. Emwa ni wan sẹtin kha wẹ iran miẹn ọẹn, iran ma miẹn emwi rhọkpa.

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.