Psalm 73:1 - Edo Bible (E Baibol Ẹdo) Version 1996

¹ Osanobua wa ya obọ esi mu Izrẹl avbe iran ne ekhọe esi ni rrọọ.

Psalm 73:1 ပူးပေါင်းရင်းမြစ်များ

I Krọnikol 15:17

Emwa ne iran zẹlẹe vbe uniẹn ne iran gha kpe avbe isẹ ẹrọnmwọ ọ re ena khin: E Heman ne ovbi e Joẹl, ọtiọnrẹn ighẹ Asaf ne ovbi e Berakia kevbe Etan ne ovbi e Kusiaia ne uniẹn e Merari. Iran kevbe zẹlẹ avbe Livai na ne iran ru iyobọ ne iran ni kpe akpata ne urhu ẹre ye ghẹnrẹn. Iran na ọrọre Zẹkaraia, Jaaziẹl, Siemiramot, Jẹhiẹl, Uni, Eliab, Maaseia kevbe Benaia. Avbe Livai ne iran zẹ ne ọ gha kpe akpata ne urhu ẹre ma vbe yo gbe ọre ena khin: Matitaia, Elifelehu, Mikneia, Azazaia deba Obẹd Idọm kevbe Jeiẹl ne ni khẹ Ọgua Osa.

I Krọnikol 16:37

E Devid ne ọba keghi wa rhie Asaf kevbe avbe Livai ne ihua ẹre yọ fẹẹrẹ ighẹ ugamwẹ ne a ru vbe ehe ne a mu Ẹkpẹti Ile yi. Te a wẹ ne iran gha winna iwinna iran vbe evba ẹdẹgbegbe.

I Krọnikol 16:7

Ẹghẹ nii ọ re Devid na mu ẹmwẹ ihuan ne a so ya rho e Nọyaẹnmwa ye Asaf kevbe avbe Livai ne ihuare obọ.

I Krọnikol 6:39

Asaf ọ gha re ọkaolotu otu ihuan ne ogieva. Uviẹn ọnrẹn keghi la vbenian ya sẹ egbe Livai, Asaf, e Berakia, e Siimea,

II Krọnikol 29:30

Ọba kevbe avbe iran ne ọkaolotu ẹvbo nii keghi tama avbe Livai ne iran so ihuan urhomwẹ ne Devid kevbe Asaf ne akhasẹ gbẹnnẹ, ghe Nọyaẹnmwa. Emwa hia keghi ye ẹko rhiẹnrhiẹn mwẹ gha so ihuan ghe Nọyaẹnmwa vbe ehe ne iran na diguẹ nii, iran na ga Osanobua.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 24:4

Iran ne emwa ni khuiae vbe emwi ne a ru kevbe iro ne a zẹ, iran ne ẹi ga ẹbọ, kevbe ne ẹi yan eyan ohoghe.

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Psalm 50:1

Osa ne Oghodua e Nọyaẹnmwa, guan rẹn ọ da tie otọ agbọn ke ahọ yasẹ orrie.

Psalm 51:10

Yi orhiọn ne ọ huanrẹn ye uwu imẹ Osanobua, ne u vbe mu ekhọe ọgbọn ne ọ guobọ ruẹ ye uwu imẹ.

Psalm 73:18

Te uwẹ ra viọ iran ye ehe ni miọnghọn, u ghi gie iran dele la ọrhiae rriẹ.

Psalm 83:1

Osanobua, ghẹ hunwan, ghẹ mudia ye ihọkpa, ghẹ ghe ẹmwẹ.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Matiu 5:8

Ọ maa ne iran ne ekhọe ẹre hianrẹn, iran gha miẹn Osanobua aro!

Iyẹn ne ọ Maan Ọghe Luk 12:32

“Wa ghẹ fian afianma, oghẹn kherhe. Rhunmwuda, ọ re ekhọe Erha uwa nẹ ne ọ rhie Arriọba ni ne uwa.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Ebe ne Pọl gbẹẹn gie emwa Rom 4:16

Emwi ne a ve na, iyayi ọre a la ekpa ẹre vẹe, ne a miẹn ehe na ta ẹe guọbọ ighẹ emwi ne a ve na emwi ne Osanobua rhie ne ivbi Ebraham hia ọghe ọhẹ ọre nọ, ẹ i re ni ru vbene nene Uhi kha re ọkpa, sokpan kevbe iran ni yayi zẹ vbe ne Ebraham vbe yayi. Rhunmwuda Ebraham ọrọre erha ima hia fẹẹrẹ vbekpa ọghe orhiọn.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.