Psalm 72:7 - Edo Bible (E Baibol Ẹdo) Version 1996

⁷ Te uyinmwẹ ẹmwata gha muan yọ vbe ẹghẹ ọre, te ẹfe gha kpee vbe otọ la ẹghẹ ne uki gha ba la.

Psalm 72:7 ပူးပေါင်းရင်းမြစ်များ

I Ọba 4:25

Ẹghẹ hia ne ọ ya ẹe vbe agbọn, emwi rhọkpa ma ru emwa e Juda kevbe Izrẹl dọmwadẹ igiowa kegha mwẹ ugbo azara ọghe ọe kevbe ọghe erhan ohọ.

I Ọba 5:4

Sokpan, banbanna nian, e Nọyaẹnmwa Osanobua mwa rhie ọfumwegbe mẹ nẹ vbe ehe ni lẹga mwẹ hia. I i mwẹ eghian, I i vbe fian afianma odekun igbinna.

Psalm 92:12

Ọmwata gha wan zẹ vbe udin iran gha wan zẹvbe isida ni rre Lebanọn.

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 60:1

Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Aizaia 60:22

Uhin wẹ ẹgbẹe ne ọ kanmwa sẹ ke ne ọ rriotọ sẹẹ gha do gha kpọlọ zẹ vbe uhunmwu ẹvbo ne ọ mwẹ ẹtin. Ọ gha sẹ ẹghẹ ne ọ kei yi, I gha ru ẹe ne ọ na sunu ẹgiẹgiẹ. Mẹ ọrọre Nọyaẹnmwa.”

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Zẹkaraia 9:10

E Nọyaẹnmwa khare wẹẹ, “I gha viọ avbe ikẹkẹ okuo hin otọe Izrẹl rre. I ghi viọ avbe ẹsin hin e Jerusalẹm rre; avbe uhanbọ ne a lo vbe okuo, a gha bunnọ ehia a. Ọba ruẹ gha ru adọlọ ọfumwegbe ye ẹbu avbe uhunmwu ẹvbo; ọ gha khaemwisẹ ke okun ya sẹ okun ke Ẹzẹ Yufretes kpao yasẹ ehe ne agbọn sẹe.”

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iyẹn ne ọ Maan Ọghe Luk 1:33

Rẹn gha rriọba yan ivbi e Jekọb ẹdẹdẹmwẹdẹ, arriọba ẹre ẹ i ra mwẹ ufomwẹ.”

Iyẹn ne ọ Maan Ọghe Luk 2:14

“Uyi nọ ne Osanobua vbe ẹrinmwi ne ọ yo sẹ. Kevbe ọfumwegbe ne emwa ne ẹko ẹre rhiẹnrhiẹn ghe vbe agbọn!”

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.