Psalm 72:18 - Edo Bible (E Baibol Ẹdo) Version 1996

¹⁸ Wa rho e Nọyaẹnmwa ne Osanobua Izrẹl! Rẹn ọkpa kẹkan, ọ re ọ ru avbe emwi ọyunnuan na hia.

Psalm 72:18 ပူးပေါင်းရင်းမြစ်များ

I Krọnikol 29:10

Vbe odaro emwa ni si koko vbe evba nii hia, e Devid keghi rho Osanobua, ọ na wẹẹ, “E Nọyaẹnmwa ne Osanobua ọghe Jekọb ne erha mwa odede, te a gha rho ruẹ ẹdẹ kevbe ẹdẹdẹmwẹdẹ!

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

Job 5:9

Ma i sẹtin rẹn iwinna nọkhua ne ọ winna, iwinna ọyunnuan ẹnrẹn i vbe mwẹ ufomwẹ.

Job 9:10

Ma i sẹtin rẹn otọ iwinna nekhua ne ọ winna, iwinna ọyunnuan ẹnrẹn i vbe mwẹ ọfo.

Psalm 106:48

Wa rho e Nọyaẹnmwa ne Osanobua Izrẹl, wa rho ẹre nian kevbe ẹdẹdẹmwẹdẹ! Wa gie emwa hia kha wẹẹ, “Ise!” Wa rho e Nọyaẹnmwa.

Psalm 136:4

Rẹn okpa ọre ọ winna iwinna ọyunnuan nekhua, etẹbitẹ ọ re ahoẹmwọmwa rẹn khin.

Psalm 41:13

Wa rho e Nọyaẹnmwa, ne Osanobua Izrẹl. Rho ẹre nian kevbe ẹdẹdẹmwẹdẹ. Isẹ! Isẹ!

Psalm 68:35

Wẹ miẹn vbe Osanobua muohan hẹ vbe ọ die owa ẹre nọhuanrẹn Osanobua Izrẹl! Ọ rhie iwegbe kevbe ẹtin ne emwa rẹn! Wa rho e Nọyaẹnmwa!

Psalm 77:14

Wẹ ọrọre Osanobua ne ọ winna iwinna ọyunnuan u rhie ẹtin ruẹn maa vbe uwu ẹbu agbọn ẹvbo.

Psalm 77:15

Ẹtin ruẹn ọ re u ya miẹn emwa ruẹn fan ivbi uniẹn Jekọb kevbe Josẹf.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Psalm 98:1

Wa so ihuan ọgbọn ghe Nọyaẹnmwa, ọ ru emwi ọyunnuan nibun nẹ. Ọ vbe ya ẹtin kevbe iwegbe ẹre ne ọ huanrẹn, miẹn akhọnmiotọ nẹ.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?