Psalm 72:17 - Edo Bible (E Baibol Ẹdo) Version 1996

¹⁷ Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 72:17 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Gẹnẹsis 22:18

Iyaẹvbo agbọn hia ghi wẹẹ ne I fiangbe iran zẹ vbene I fiangbuẹ uniẹn ruẹn, rhunmwuda ne u na họn ẹmwẹ ne I tama ruẹn na.”

II Samuẹl 7:13

Rẹn ọ re ọ gha bọ Ọgua Osa mẹ, I gha vbe mu ẹẹn wẹ te uniẹn ọnrẹn gha rriọba ẹdẹdẹmwẹdẹ.

II Samuẹl 7:16

U gha mwẹ uniẹn ruẹn khian rhinrin. I ghi vbe gie arriọba ruẹ gha rrọọ rhinrin ẹdẹ. Akhaemwisẹ arriọba ruẹ ẹ i ra fo ẹdẹ.’ ”

I Krọnikol 17:12

Rẹn ọ re ọ gha bọ Ọgua Osa mẹ, I gha ru ẹe ne a miẹn wẹ uniẹn ni rriọba ọghe ọe ghi gha khian rhinrin ẹdẹ.

Psalm 21:7

Ọba mu ẹtin yan e Nọyaẹnmwa ne Udazi, kevbe rhunmwuda aho ẹmwẹ ọmwa ne ẹi beghe ọghe Nọyaẹnmwa. Ẹkun gha sẹ irẹn otọ vbe ẹghẹ hia.

Psalm 45:17

Ihuan mwẹ gha gie otiti ruẹ gha rrọ rhinrin ẹdẹ emwa hia ghi vbe gha rho ruẹ vbe ẹghẹ hia ẹdẹdẹmwẹdẹ.

Psalm 89:36

Te a gha miẹn ivbi uniẹn ọnrẹn ẹdẹdẹmwẹdẹ. Mẹ gha vbe gha wan lẹga arriọba ẹre la ẹghẹ ne ovẹn gha vbe yunmwu la.

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Iyẹn ne ọ Maan Ọghe Luk 1:48

rhunmwuda, ọ ye imẹ rre, mẹ ne ọguọmwadia ẹre ne ẹ mwẹ esa! Ke ẹghẹ na gha khian nian, agbọn hia gha tie mwẹ ene afiangbe.

Iwinna 3:16

Ẹtin eni ẹnrẹn, ọre ọ rhie iwo vbe egbe ne okpia nọ te re uke na. Emwi ne uwa miẹn kevbe ne uwa rẹnrẹn na, iyayi eni ẹnrẹn ọre a ya ruẹe, iyayi eni Jesu ọre ọ sirra uwa hia mu ọmwa na egbe rran vbe nian.

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Ẹfisọs 3:14

Rhunmwuda ọnii, ọna ọre ọ si ẹe ne I na defi igue vbe odaro Evbavba.

Filipai 2:10

Wẹ, ne a ya gha ya ọghọ ne eni Jesu, emwi hia ni rre ẹrinmwi, ni rre agbọn kevbe ni rre ototọ agbọn. Te ehia gha de iguẹ.

Kọlose 1:3

Ẹghẹ hia ọre ima ya kpọnmwẹ Osanobua ne Erha Nọyaẹnmwa vbe ima a gha na erhunmwu ne uwa.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”