Psalm 72:14 - Edo Bible (E Baibol Ẹdo) Version 1996

¹⁴ Ọ miẹn iran fan hin obọ, a zẹ ọmwa kpokpo kevbe ọkpankpan, ighobioye ọ re ẹdagbọn iran khin ne ẹẹn.

Psalm 72:14 ပူးပေါင်းရင်းမြစ်များ

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

II Samuẹl 23:17

Ọ keghi kha wẹẹ, “E Nọyaẹnmwa, mẹ i wọn ọna! Te ọ khian yevbe ne a wọn esagiẹn emwa na, ni rhie uhunmwu iran mwẹ atataobọ.” Rhunmwuda ọnii, ọ ma wọn ẹẹn. Enena ọrọre emwi udinmwẹ ne iran ne ivbiyokuo eha ni hin usi na ru.

II Samuẹl 4:9

E Devid keghi wanniẹn iran wẹẹ, “I vẹn ihẹn vbe eni e Nọyaẹnmwa nọ rrọọ ne ọ miẹn mwẹ fan vbe uwu ẹbe hia.

Psalm 116:15

Ọ kakabọ da e Nọyaẹnmwa vbe okpa vbe uwu avbe emwa rẹn a wu!

Psalm 130:8

Ọ gha miẹn Izrẹl ne emwa rẹn fan, hin uwu orukhọ iran rre.

Psalm 25:22

Osanobua, miẹn ivbi Izrẹl fan, vbe uwu ọlọghọmwa iran hia.

Psalm 69:18

Bu mwẹ gha dee ne u do miẹn mwẹ fan, rhan mwẹ ye otọ hin obọ avbe eghian mwẹ rre.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”

I Samuẹl 26:21

E Sọl keghi wanniẹn wẹẹ, “I baeku ru nẹ. Dọlegbe gha dee, e Devid ne ovbi mwẹ. I i ghi ruẹ emwi rhọkpa ọvbehe rhunmwuda, u ma gbe mwẹ uan ẹrẹna. Akpa ọ re I gha khin! Emwi dan ne ọ mu ohan ọ re I wa ru!”