Psalm 72:12 - Edo Bible (E Baibol Ẹdo) Version 1996

¹² Rẹn miẹn avbe ivbiogue, ni kpe tie ẹre fan deba iran ne ẹ i mwẹ kevbe ne a he.

Psalm 72:12 ပူးပေါင်းရင်းမြစ်များ

II Samuẹl 14:16

I roro ẹe wẹ, u gha rhie ehọ mẹ ta yi, ne u fan mwẹ vbe obọ ọmwa ne ọ ho ne ọ gbe mwẹ gbe mwẹ ọmọ, ọ ghi vbe yuolo ima kua hin otọ ne Osanobua mu ne emwa rẹn rre.

Job 29:12

Avbe ivbiogue gha tu ladian, I ghi yi iran obọ. I kegha ru iyohọ ne avbe emọ ne ẹ i mwẹ erha, ni ma miẹn emwa tu ma.

Job 36:15

Sokpan, te Osanobua ye oya ne a re ma emwa emwi ọ ghi vbe ye usẹ rhan iran aro.

Psalm 10:17

E Nọyaẹnmwa, wẹ gha họn erhunmwu avbe ọmẹhẹ, u gha rhie igiẹdu ne iran.

Psalm 102:17

Ọ gha họn ọghe emwa rẹn ne ọ sẹrae, ọ gha danmwehọ erhunmwu iran.

Psalm 102:20

Ọ họn eve ikhiẹkhiegbe ọghe iran ni rre ẹwẹdọ ọ na fannọ iran ne a bu ohiẹn uwu gbe kua.

Psalm 55:17

Owiẹ, avan kevbe asọn ọ re ovian kevbe utumwẹ obalọ mwẹ ya bu ẹre yo, ọ gha họn urhu mwẹ.

Psalm 72:4

Te ọba gha sẹtin gha bu ohiẹn ẹse ne avbe ivbiogue. Te ọ gha ru iyobọ ne ne ẹ i mwẹ ne obọ ẹre vbe gba avbe eghian iran.

Itan 29:7

Ọmwa esi rẹn emwi ne ọ sẹ avbe ivbiogue egbe, sokpan, emwa dan i sẹtin rẹn otọ egbe emwi vberriọ.

Asan-Ibo 4:1

I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

Aizaia 41:17

“Ẹghẹ ne avbe emwa mwẹ gha na gualọ amẹ ne iran i mwẹ, ẹghẹ ne ovbamẹ gha na kaka iran ẹho ua, ẹghẹ nii, mẹ ne Nọyaẹnmwa gha họn erhunmwu iran. Mẹ ne Osanobua Izrẹl i ra he iran yotọ.

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Luk 7:22

Rẹn keghi wanniẹn tama emwa ne Jọn gie wẹẹ, “Wa ya tama e Jọn emwi ne uwa họn ẹn kevbe ne aro uwa sẹe, avbe arhuaro bẹghe odẹ, avbe uke khiaẹn, a khue avbe ọkhọnmwoti huan, ayin ehọ họn ẹmwẹ, a huẹn ni wu kpaegbe vbe orinmwi, a kpe orhu Iyẹn Ne ọ Maa ma avbe ivbiogue.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

I Samuẹl 22:2

Emwa hia fẹẹrẹ ne a ghi zẹ ọre owẹ ra ne ọ defi osa ra ne ẹkun agbọn ma sẹ ọre otọ, keghi bu ẹre gha khian, rẹn kegha re ọkaolotu iran. Iran keghi re omwa ikpia uri eva (400).