Psalm 72:1 - Edo Bible (E Baibol Ẹdo) Version 1996

¹ Osanobua, ma ọba ẹre ne ọ gha ya ẹmwata ruẹ bu ohiẹn ghae ne ẹẹn vbe uwu atẹmwata ruẹ.

Psalm 72:1 ပူးပေါင်းရင်းမြစ်များ

II Samuẹl 23:3

Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,

I Ọba 1:39

E Zadọk keghi mu emwi ne a sa ori oliv yi, ne ọ rhie ke Owa Ukpọn e Nọyaẹnmwa rre, ọ keghi sae yan e Solomọn. Iran keghi kpe okpe, emwa hia keghi datu wẹẹ, “E Solomọn ne ọba gha tọ ọ kpẹre.”

I Ọba 3:9

Rhunmwuda ọnii, rhie ẹwaẹn mẹ ne I ya gha gbearoghe emwa na vbe ne a na ta ẹmwata kevbe ne a na rẹn emwi ne ọ maa hin ne ẹ i maa rre. A deghẹ ẹ i re erriọ, vbe I a gha ya gbearoghe okpe emwa ruẹn na hẹ?”

I Krọnikol 18:14

E Devid keghi rriọba yan otọ Izrẹl hia. Ọ keghi ru ẹe ne a miẹn wẹ a ya obọ esi gha mu emwa hia vbe ne a i na vbe zẹ ọmwarhọkpa ẹkpe.

I Krọnikol 22:9

Vbene ọ rhirhi a gha ye hẹ, ọ ye yan ma mwẹ. Ọ wẹẹ, ‘U gha biẹ ọmọ okpia ọkpa ne ọ gha khaemwisẹ vbe ọfumwegbe, rhunmwuda, I gha rhie ọfumwegbe ne ẹẹn vbe obọ avbe eghian rẹn hia. Eni ẹnrẹn ọ re ọ gha re Solomọn, rhunmwuda I gha rhie ọfumwegbe kevbe ọrọkhọrhọ ne ivbi Izrẹl vbe ẹghẹ ọre.

I Krọnikol 29:19

Rhie ekhọe ne ọ mu egbe vbe ẹghẹ hia ne ọ ya ru vbene iyi ruẹ khare ne Solomọn ne ovbi mwẹ, ne ọ bọ Ọgua Osa na ne I rhọ emwi ẹnrẹn ye otọ na.”

II Krọnikol 1:10

Rhunmwuda ọnii, rhie ẹwaẹn kevbe irẹnmwi ne I gha sẹtin ya gha khaemwisẹ yan iran mẹ. A dẹghe ẹ i re vberriọ, vbe i a gha sẹtin ya rriọba emwa ruẹn na ni bun sẹrriọ hẹ?”

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Aizaia 11:2

Orhiọn e Nọyaẹnmwa gha rhie ẹwaẹn ne ẹẹn, deba irẹnmwi kevbe iguemwi ne ọ gha ya gha khaemwisẹ yan avbe emwa rẹn, rẹn gha rẹn emwi ne Nọyaẹnmwa ho ọ ghi vbe gha ya ọghọ ne ẹẹn,

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.