Psalm 71:23 - Edo Bible (E Baibol Ẹdo) Version 1996

²³ I gha wee uwemwẹ oghọghọ vbe ẹghẹ ne I ya kpe emwi nuẹn I gha ya ẹtin mwẹ hia so ihuan, rhunmwuda, wẹ miẹn mwẹ fan nẹ. I gha dọlegbe gha rho ruẹ sayọ.

Psalm 71:23 ပူးပေါင်းရင်းမြစ်များ

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

II Samuẹl 4:9

E Devid keghi wanniẹn iran wẹẹ, “I vẹn ihẹn vbe eni e Nọyaẹnmwa nọ rrọọ ne ọ miẹn mwẹ fan vbe uwu ẹbe hia.

Psalm 103:4

Ọ ma gunmwẹ la idin, ọ keghi ye aho ẹmwẹ ọmwa kevbe itohan fiangbe mwẹ.

Psalm 104:33

I gha so ihuan ghe Nọyaẹnmwa, vbe ẹdẹ agbọn mwẹ hia, inu ẹghẹ ne I gha ya vbe agbọn hia; I gha so ihuan urhomwẹ ghe Osanobua mwẹ.

Psalm 34:22

E Nọyaẹnmwa gha miẹn emwa rẹn fan emwi rhọkpa i ra ru iran ni lẹgbinna ẹn.

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.