Psalm 71:22 - Edo Bible (E Baibol Ẹdo) Version 1996

²² I gha gele ye akpata rho ruẹ, I gha rho a gia mu ẹtin yan ruẹn, Osanobua mwẹ I gha ye akpata mwẹ so ihuan ghe ruẹ ọmwa Ne ọ huanrẹn ọghe Izrẹl.

Psalm 71:22 ပူးပေါင်းရင်းမြစ်များ

II Ọba 19:22

De ọmwa ne uwẹ ro ighẹ u kpa unu ghe usin ne u na vbe ya ẹe gbe ogie yi? U ma ya ọghọ mẹ, mẹ ne Osanobua ne ọ huanrẹn ọghe Izrẹl.

Psalm 138:2

Mẹ werriẹ aro da Ọgua Osa ruẹ ne ọ huanrẹn, I vbokho egbe rriotọ, I kevbe rho eni ruẹn, rhunmwuda ahoẹmwọmwa ruẹn ne ẹ i beghe, kevbe ẹmwata ruẹ, rhunmwuda, we rhie maa nẹ wẹ, eni ruẹn kevbe iyi ruẹ, ne ẹ i mwẹ ihegbe nọ.

Psalm 144:9

I gha so ihuan ọgbọn ne uẹn Osanobua, I gha kpe akpata, I ghi vbe so ihuan ne uẹn.

Psalm 25:10

A gia mu ẹtin yan, kevbe aho ẹmwẹ ọmwa, ọ re ọ ya su iran ni rhie iyi ẹre mwẹ, kevbe ni vbe ya uhi ẹre ru emwi.

Psalm 33:2

Wa ye emwi ihuan ne ọ mwẹ irri so ihuan.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Psalm 56:4

Mẹ mu ẹtin yan Osanobua ohan ighi mu mwẹ. Mẹ rho ẹre, rhunmwuda eyan ne irẹn yan rẹn, demwi ne ọmwa kẹkan gha sẹtin ru mwẹ re.

Psalm 78:41

Iran kegha danmwẹ Osanobua ghe, iran keghi zẹ obalọ ye Ọmwa Ne ọ huanrẹn Izrẹl egbe.

Psalm 89:1

E Nọyaẹnmwa, mẹ gha so ihuan aho ruẹ ne ẹ i beghe vbe ẹghẹ hia, I gha na iyẹn aguobọmwa ruẹn ẹdẹdẹmwẹdẹ.

Psalm 89:18

Nọyaẹnmwa, wẹ ọ re ọ zẹ ọmwa ne ọ degue mwa, wẹ, Ọmwa Ne ọ huanrẹn Izrẹl, ọ re ọ rhie ọba mwa ne ima.

Psalm 98:3

Ọ ru zẹ vbene ọ ve ivbi Izrẹl re, vbe amuẹtinyan kevbe aho ne ẹ i beghe ne iran emwa hia ni rre ehe hia, miẹn akhọnmiotọ Osanobua mwa nẹ.

Psalm 98:4

Wa so ihuan oghọghọ ghe Nọyaẹnmwa, wa ne otọe agbọn hia, wa ya ihuan kevbe uwemwẹ oghọghọ rho ẹre!

Psalm 98:5

Wa so ihuan urhomwẹ ghe Nọyaẹnmwa; wa ye akpata kpe orhu ne ọ rhiẹnrhiẹn.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 43:3

Rhunmwuda mẹ ọrọre Nọyaẹnmwa ne Osanobua ruẹ, Osanobua nọhuanrẹn ọghe Izrẹl, ọmwa ne ọ miẹn ruẹn fan; I gha sẹ Igipt rae ne I miẹn ruẹn fan. I gha sẹ e Sudan kevbe Siẹba rae.

Aizaia 5:16

Sokpan, e Nọyaẹnmwa ne Oghodua rhie maa vbene irẹn kpọlọ hẹ vbekpa ne ọ na ru emwi ne ọ kere, ọ keghi vbe rhie uhuanmwẹ ọnrẹn maa vbekpa ne ọ na bu ohiẹn avbe emwa.

Aizaia 5:19

Wa khare wẹẹ, “Wa wẹ Nọyaẹnmwa gie obọ kẹe vbe emwi ne ọ wẹ rẹn ra ru, ne ima miẹn ọẹn. Wa gie Osanobua nọhuanrẹn ọghe Izrẹl ru vbe ne ọ mwamwa ẹn, wa gie a ghe emwi ne ọ rre ọre ekhọe.”

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 60:9

Avbe okọ ni ke otọ urria dee nọ. Te iran viọ emwa Osanobua die owa. Iran viọ esiliva kevbe igoru mwẹ obọ dee ne iran do ya ya ọghọ ne eni e Nọyaẹnmwa Osanobua nọhuanrẹn ọghe Izrẹl. Ne ọ ye avbe uhunmwu ẹvbo hia gha ya ọghọ ne emwa irẹn.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Ebe ne Pọl gbẹẹn gie emwa Rom 15:8

Ne I tama uwa wẹ Kristi khian ọguọmwadia iran ne Ju ne ọ miẹn ehe na rhie maa wẹ Osanobua i hiẹ ọmwa, ne ẹmwẹ ne ọ tama avbe erha mwa odede miẹn ehe na sẹ.