Psalm 71:20 - Edo Bible (E Baibol Ẹdo) Version 1996

²⁰ U si ọlọghọmwa kevbe usẹ yọmwẹ egbe, sokpan, u gha rhie ẹtin mwẹ dọlegbe mẹ, u gha mu mwẹ lẹ ne idin.

Psalm 71:20 ပူးပေါင်းရင်းမြစ်များ

II Samuẹl 12:11

I vbe yan ma ruẹn nian wẹ I gha ru ẹe ne ovbi uwowa ruẹ gha si ọlọghọmwa ye uẹ egbe. U gha ye aro miẹn uẹn vbe I gha viọ avbe amwẹ ọẹn ne okpia ọvbehe, ọ ghi gha gu iran ru emwi ọdọ vbe amwẹ vbe ogiavan ogioghogho.

Psalm 119:25

I lovbiẹ ye uwu ebubẹ ne a gbe mwẹ fi, huẹn mwẹ zẹ vbene u yan rẹn.

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Psalm 16:10

rhunmwuda wẹ degue mwẹ hin ẹtin uwu rre nẹ. Ọmwa ne uwẹ ho ẹmwẹ ọnrẹn nẹ, wẹ ira sẹ ọe rae ye otọe iran ni wulo nẹ.

Psalm 60:3

U gie avbe emwa ruẹn rrioya ẹsẹsẹmwẹse; te ima ghi ye owẹ ba otọ ku khian vbe ọmwa ne ayọn gbe.

Psalm 60:5

Ya ẹtin ruẹn miẹn mwa fan, họn erhunmwu mwa ne a miẹn ehe na dẹ emwa ne u ho ẹmwẹ ọnrẹn werriegbe.

Psalm 80:18

Ma i ghi dọlegbe fi iyeke gbe uwẹ ẹdẹ, gie ima gha rre agbọn, ma gha vbe gha rho ruẹ.

Psalm 85:6

Dọlegbe ya ima wegbe ne emwa ruẹn gha vbe rho ruẹ.

Psalm 86:13

U miẹn vbe ahoẹmwọmwa ruẹn ne ẹ i beghe kpọlọ ghe mwẹ hẹ! U yuo mwẹ hin idin tobọ ẹre rre.

Psalm 95:4

Rẹn ọ khaemwisẹ yan agbọn na hia, kevbe uvun okuta ne ọ dinmwi sẹẹ, ya sẹ egbe oke ne ọ yo sẹẹ.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Jona 2:6

Mẹ keghi gha rrie otọ, ehe ne avbe oke nekhua ke zọ kpao, gha rrie ẹvbo ne a khui urho ẹre gbua ẹdẹdẹmwẹdẹ. Sokpan, wẹ ne Nọyaẹnmwa Osanobua mwẹ, keghi si mwẹ ke ẹmwẹ ne unu ke uwu odin gha dee.

Iyẹn ne ọ Maan Ọghe Mak 15:34

Ọ ghi sẹ ihe ẹgogo eha, Jesu keghi ya urhu ne ọ la datu wẹẹ, “Ẹloi, Ẹloi, lema sabachthani?” Emwi ne a ya ọnii kha ọrọre “Osanobua mwẹ, Osanobua mwẹ, vbe ọ zẹ ne u na he mwẹ ye otọ?”

Iwinna 2:24

Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.

Ẹfisọs 4:9

De emwi ne a mobọ ya “ọ hin ukhunmwu” kha? Ọ rhie maa wẹ, ọ ka tuorre gha di otọe nẹ, ọnii nọ wẹ, vbe ototọ vbe uwu otọ.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.

I Samuẹl 2:6

E Nọyaẹnmwa ọ re ọ gbe, rẹn ọ vbe huẹn. Rẹn ọ re ọ gie emwa yo ẹvbo eni wulo nẹ. Ọ ghi vbe dọlegbe viọ iran gha dee.