Psalm 71:2 - Edo Bible (E Baibol Ẹdo) Version 1996

² Rhunmwuda ighẹ ọmwata wẹ khin, yọmwẹ obọ ne u miẹn mwẹ fan. Danmwehọ mwẹ, ne u yuo mwẹ ladian.

Psalm 71:2 ပူးပေါင်းရင်းမြစ်များ

Psalm 143:1

Nọyaẹnmwa, họn erhunmwu mwẹ! Họn erinmwian mwẹ, rhunmwuda ẹmwata ruẹ!

Psalm 143:11

Fan mwẹ ye otọ Nọyaẹnmwa, zẹ vbene u yan rẹn; vbe uwu iruemwiẹse ruẹ, yuo mwẹ hin ibaro mwẹ hia rre.

Psalm 17:2

We gha bu ohiẹn mẹ, rhunmwuda wẹ rẹn emwi ne ọ kere.

Psalm 17:6

Rhunmwuda ne u na họn urhu mwẹ, ọ re I na na erhunmwu ghe ruẹ Osanobua; rhunmwuda ọnii nian, werriẹ aro rre ne u danmwehọ ẹmwẹ mwẹ.

Psalm 31:1

I rre do lẹ gbinna an Nọyaẹnmwa ghẹ gie obọ gba mwẹ ẹdẹ. Osanobua ẹmwata wẹ khin lahọ miẹn mwẹ fan.

Psalm 31:2

Họn urhu mwẹ, miẹn mwẹ fan nian. Gha re ugue, ne ọ gha degue mwẹ. Ọmwa ne ọ gbinna mẹ, ne ọ ra miẹn mwẹ fan.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 43:1

Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

Daniẹl 9:16

“Wẹ gbinna ne ima vbe ẹghẹ nọ gberra, rhunmwuda ọnii, ghẹ ghi mu ohu e Jerusalẹm ọvbehe, ẹvbo ruẹ ọre nọ, oke ruẹ nọhuanrẹn nọ. Te emwa hia ni rre avbe ẹvbo ni diake mwa ghi ya ro gbe Jerusalẹm re, kẹe kevbe avbe emwa ruẹn, rhunmwuda orukhọ mwa kevbe emwi dan ne avbe erha mwa odede ru.

I Kọrinti 10:13

Edanmwẹ ne uwa he miẹn hia, egbe ne emwa ọvbehe hia vbe miẹn nọ. Rhunmwuda, Osanobua gha yan an, te ọ muẹn sẹ, ẹ i ra kue ne a danmwẹ uwa ghe gberra vbene ẹtin uwa sẹe, sokpan ẹghẹ ne a na danmwẹ uwa ghe nii, ọ gha rhie ẹtin ne uwa ya ya egbe miẹn ẹnrẹn, ne uwa miẹn ehe na sẹtin do ọe fe.