Psalm 71:19 - Edo Bible (E Baibol Ẹdo) Version 1996

¹⁹ Osanobua, ẹmwata ruẹ sẹ aro iso. Wẹ winna iwinna ọyunnuan nibun nẹ; ọmwa ne ọ ye vbe uwẹ i rrọ.

Psalm 71:19 ပူးပေါင်းရင်းမြစ်များ

Job 5:9

Ma i sẹtin rẹn iwinna nọkhua ne ọ winna, iwinna ọyunnuan ẹnrẹn i vbe mwẹ ufomwẹ.

Psalm 139:6

Vbene u rẹnmwẹ dinmwi gbe, ọ gberra ne I gha sẹtin rẹn otọ ẹre.

Psalm 35:10

Me gha ye ekhọekekhọe mwẹ tama Nọyaẹnmwa wẹẹ, “Ọmwa ne a ya gie ruẹ i rrọ, wẹ ne ọ fan nọ ma wegbe yotọ vbe obọ ọmwa ẹtin kevbe ovbiogue vbe obọ ne ọ zẹ ọe kpokpo.”

Psalm 36:7

Osanobua, ighobioye ọ re ahoẹmwọmwa ruẹn ne ẹi beghe khin. Ototọ aghọnghọn ifuẹn ruẹn ọ re ima lẹre yi.

Psalm 57:10

Iho ruẹ ne ẹ i beghe sẹ ẹrinmwi, aguobọmwa ọwuẹ sẹ iso.

Psalm 72:18

Wa rho e Nọyaẹnmwa ne Osanobua Izrẹl! Rẹn ọkpa kẹkan, ọ re ọ ru avbe emwi ọyunnuan na hia.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Itan 15:24

Odẹ ne ọ hin odukhunmwu rrie arrọọ ọ re avbe umẹwaẹn la ighẹ ẹ i re odẹ ne ọ tuorre rrie uwu.

Itan 24:7

Ẹmwẹ ẹwaẹn dinmwi gbe ne ọzuọ gha sẹtin rẹn otọ ẹre. Ẹ i miẹn ẹmwẹ okpa ta vbe a gha guan yan emwi kpataki.

Aizaia 40:18

De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Aizaia 40:25

De ọmwa ne a gha sẹtin ya gie Osanobua nọhuanrẹn? Ọmwa ọvbehe rrọ ne ọ yevbe irẹn ra?

Aizaia 5:16

Sokpan, e Nọyaẹnmwa ne Oghodua rhie maa vbene irẹn kpọlọ hẹ vbekpa ne ọ na ru emwi ne ọ kere, ọ keghi vbe rhie uhuanmwẹ ọnrẹn maa vbekpa ne ọ na bu ohiẹn avbe emwa.

Aizaia 55:9

Zẹ vbene iso yo sẹẹ otọ, erriọ uyinmwẹ mwẹ, kevbe iziro mwẹ yo sẹẹ ọwua.

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Iyẹn ne ọ Maan Ọghe Luk 1:49

Rhunmwuda, emwi nọkhua ne Osanobua ne ọ kpọlọ ru mẹ. Ne ọ huanrẹn ọre eni ẹnrẹn vbe khin.

Diuteronomi 3:24

‘E Nọyaẹnmwa ne Udazi, I rẹnrẹn wẹ omuhẹn emwi ọ yan unu uan nekhua ne u ra ru ọkpa ọ re u rhie maa mwẹ. Ẹbọ ọkpa i rre ẹrinmwi kevbe agbọn ne ọ gha sẹtin ru avbe emwi nekhua ne uwẹ ru!