Psalm 71:13 - Edo Bible (E Baibol Ẹdo) Version 1996

¹³ Te obọ gha gba iran ni gun mwẹ gbinna ne a fuẹn iran an. Te a gha ya ekhue mu iran, ni ho ne iran kuan mwẹ, ne a vbe fa iran an.

Psalm 71:13 ပူးပေါင်းရင်းမြစ်များ

Ẹsta 9:2

Ehe ne avbe Ju ye vbe dọmwadẹ ẹvbo, iran keghi koko mu egbe ne iran ya gu ọmwaikọmwa ne ọ te ra ru iran emwi gbinna. Ohan iran kegha mu emwa hia vbe ehe hia. A ma vbe miẹn ọmwa ne ohan gie ẹe mu aro igbinna da iran.

Psalm 109:29

Te a gha ye efa yọ iran ne eghian mwẹ ẹwu; te iran gha mu efa iran yọ zẹ vbe agbada ẹwu.

Psalm 132:18

I gha ye ekhue gbe avbe eghian rẹn egbe sokpan arriọba ẹre gha dunna ọ ghi vbe gha muan yọ.”

Psalm 35:26

Iran ni gbe igiogio ye usẹ ne ẹse mwẹ, te obọ gha vba iran, ne iro han iran. Iran ni wẹ iran maa sẹ mwẹ, emwiekhue kevbe efaa, ọ re ọ gha gba iran egbe.

Psalm 35:4

Iran ni ho ne iran gbe mwẹ uan, te obọ gha ke ukhunmwu ne iran, ne a fa iran an. Iran ni si uma ẹkhokho khuan khẹ mwẹ, te a gha khu iran werriegbe ne iro han iran.

Psalm 6:10

Efaa ọmwa ne a mu gbotọ, gha rruan avbe eghian mwẹ. Iran gha lẹ ulẹ ọbanban gha rriẹ.

Psalm 70:3

Te obọ gha vba iran ni ya mwẹ gbogiẹ, ne iran bu aro ua.

Psalm 71:24

I gha na iyẹn umamwẹ ruẹn ne ebi ro, rhunmwuda, iran ni te ho ne iran kuan mwẹ, obọ gba iran a keghi fa iran an.

Aizaia 41:11

“Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”