Psalm 71:11 - Edo Bible (E Baibol Ẹdo) Version 1996

¹¹ Iran wẹẹ, “Osanobua hee ẹe ye otọ nẹ wa gia khu ẹe ne a muẹn ọmwa ne ọ gha miẹn rẹn fan i rrọọ.”

Psalm 71:11 ပူးပေါင်းရင်းမြစ်များ

Psalm 3:2

Iran na iyẹn mwẹ khian wẹẹ, “Osanobua i ra yi ọre obọ.”

Psalm 37:25

Ọmaẹn ọ re I ghi khin na, I kpe agbọn nẹ, sokpan I ma he miẹn wẹ, e Nọyaẹnmwa fi iyeke gbe ọmwa esi ẹdẹ ra ne ivbi ẹre gha vbu evbare re.

Psalm 37:28

Rhunmwuda, e Nọyaẹnmwa ho ẹmwẹ emwi ne ọgbae, ẹi vbe he emwa ni guobọ ẹre yotọ, ọ degue iran rhinrin ẹdẹ. Sokpan, a gha khulo ivbi uniẹn emwa dan ladian.

Psalm 42:10

Ihẹn ne iran tie mẹ rẹnkhẹn mwẹ uan Vbene iran na nọ mwẹ yan egbe wẹẹ, “Osanobua ruẹ vbọ?”

Psalm 50:22

“Wa danmwehọ ẹmwẹ na wa ni ma zẹ ye ogho mwẹ ne I ghẹ fuẹn uwa a a i vbe miẹn ọmwa ne ọ gha miẹn uwa fan.

Psalm 7:2

Ne iran ghẹ ya mu mwẹ gha rriẹ, zẹ vbe oduma, vbe ne ọmiọnmwafan i na rrọọ. Iran ghi yanghan mwẹ ye otọ, ukhiọnmwẹ ukhiọnmwẹ.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Matiu 27:46

Ọ ghi sẹ odẹ ihe ẹgogo eha, Jesu keghi datu, “El, El, lema sabaktani?” Ne a zẹ edu ẹre wẹẹ, “Osanobua mwẹ Osanobua mwẹ, vbọzẹ ne u na he mwẹ ye otọ?”

Matiu 27:49

Sokpan iran nekpa keghi wẹẹ, “Wa zin egbe, wa gia dia gha ghe deghẹ Elaija gha do miẹn rẹn fan.”

I Samuẹl 23:7

Iran keghi do tama e Sọl wẹ, Devid rrie Keila, rẹn keghi kha wẹẹ, “Osanobua rhie ẹre yọ mwẹ obọ nẹ. E Devid ya lẹ fi ẹvbo ne a gbe ekẹn ga, a na viọ ọkhẹ ye odẹ ne a la larọ, ọ khui egbe ye imu.”