Psalm 71:10 - Edo Bible (E Baibol Ẹdo) Version 1996

¹⁰ Avbe eghian mwẹ ho ne iran gbe mwẹ uan, iran gha zẹ iro iran keghi vbe khuan khẹ mwẹ.

Psalm 71:10 ပူးပေါင်းရင်းမြစ်များ

Psalm 10:9

Ọ ghi rhuẹ ye ehe ne ọ lẹre yi zẹ vbe oduma, Ọ ghi lẹre khẹ ovbiogue. Ọ gha ghi ya ifi ẹre munọ iran nẹ, ọ ghi silo iran gha rriẹ.

Psalm 109:20

E Nọyaẹnmwa, rria avbe eghian mwẹ ni ikhi vberriọ, iran ni wa ta egbe ẹmwẹ dan vberriọ ghe mwẹ!

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Psalm 31:13

I họn ewẹwẹwẹ, ne avbe eghian mwẹ ta; iran wa khuan khẹ mwẹ iran gha si uma ne iran gbe mwẹ uan.

Psalm 56:6

Iran ghi ya si koko ye ẹkhokho, iran ghi gha baba emwi ne I ru hia, vbe idaehọ wẹ, ne iran gbe mwẹ uan.

Psalm 83:3

Iran gha si uma ẹkhokho ga emwa ruẹn iran gha khuan khẹ emwa ne uwẹ mudia na.

Itan 1:11

Adeghẹ iran khare wẹẹ, “Larre, gie ima ya gualọ orhiọnkpa ne a gbẹe rua. Wa gia ya gu emwa eso ni ma ru emwi rhọkpa gbinna, ne ima miẹn ogiẹ giẹ!

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

I Samuẹl 19:11

Vbe asọn ọkpa nii, e Sọl keghi gie emwa eso ne iran ya gha khẹ owa e Devid, ne iran gbe ẹe rua vbe ẹdẹ a ghi gbe. Ẹre Mikal ne amwẹ Devid na ya tama rẹn wẹẹ, “A deghẹ u ma lẹfua asọn na, ikun ruẹn ọre a khian mu ẹdẹ ne akhuẹ.”