Psalm 71:1 - Edo Bible (E Baibol Ẹdo) Version 1996

¹ Nọyaẹnmwa, wẹ ọ re imẹ lẹgbinna, ghẹ gie obọ gba mwẹ.

Psalm 71:1 ပူးပေါင်းရင်းမြစ်များ

II Ọba 18:5

E Hẹzekaia mu ẹtin yan e Nọyaẹnmwa ne Osanobua Izrẹl. E Juda ma miẹn ọba ọvbehe ne ọ yevbe ọre, vbe uwu iran ni karo ne ẹẹn nọ, ra ni kiekie.

I Krọnikol 5:20

Osanobua ọ re iran mu ẹtin iran yan, iran kevbe gha na erhunmwu ghe ẹre ne ọ yi iran obọ. Osanobua keghi họn erhunmwu iran, ọ na gie iran khọn miotọ emwa Hagrit kevbe irogho iran hia.

Psalm 125:1

Iran ni mu ẹtin yan Nọyaẹnmwa yevbe Oke Zaiọn ne ẹ i gia rueghe, kevbe ne ẹ i gia bi.

Psalm 146:5

Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

Psalm 22:5

Iran tu tie ruẹ, iran keghi lẹ ẹbe fe. Iran mu ẹtin yan ruẹn, wẹ ma vbe hiẹ iran.

Aizaia 45:17

Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Ebe ne Pọl gbẹẹn gie emwa Rom 9:33

Ne ebe ta ẹmwẹ ọnrẹn wẹẹ: “Ghe, I mu okuta ne ọ rrua ọmwa owẹ ọkpa ye Zaiọn okuta nọkhua ne ọ gha rrua iran gbe otọ. Sokpan ọmwa ne ọ mu ẹtin ya rẹn, ẹ i ra gbe I ma rẹn.”

I Pita 2:6

Rhunmwuda, ebe kha re wẹẹ, “I hannọ okuta ighobioye ọkpa zẹ nẹ, ne I ya ru okuta ẹyotọ vbe Zaiọn, ekhue i ra mu iran ne ọ ya ẹe yi.”