Psalm 70:2 - Edo Bible (E Baibol Ẹdo) Version 1996

² Te obọ gha vba iran ni ho ne iran gbe mwẹ uan ne iro han iran. Iran ni ghọghọ ye ọlọghọmwa mwẹ, te a gha khu iran werriegbe ne a fa iran an.

Psalm 70:2 ပူးပေါင်းရင်းမြစ်များ

Psalm 109:29

Te a gha ye efa yọ iran ne eghian mwẹ ẹwu; te iran gha mu efa iran yọ zẹ vbe agbada ẹwu.

Psalm 141:1

I kpe tie ruẹ Nọyaẹnmwa, yọmwẹ obọ nian! Danmwehọ mwẹ vbe I a gha kpe tie ruẹ.

Psalm 22:12

Eghian nibun lẹga mwẹ zẹvbe ẹkhuia ẹmila. Iran hia wa lẹga mwẹ zẹvbe ẹkhuia ẹmila ne ọ khọ, ne a miẹn vbe otọe Basian.

Psalm 22:20

Miẹn mwẹ fan hin umozo rre, vbe miẹn orhiọn mwẹ hin obọ avbe ekita na rre.

Psalm 35:26

Iran ni gbe igiogio ye usẹ ne ẹse mwẹ, te obọ gha vba iran, ne iro han iran. Iran ni wẹ iran maa sẹ mwẹ, emwiekhue kevbe efaa, ọ re ọ gha gba iran egbe.

Psalm 35:4

Iran ni ho ne iran gbe mwẹ uan, te obọ gha ke ukhunmwu ne iran, ne a fa iran an. Iran ni si uma ẹkhokho khuan khẹ mwẹ, te a gha khu iran werriegbe ne iro han iran.

Psalm 40:14

Te obọ gha ke ukhunmwu ne iran ni ho ne iran gbe mwẹ uan te iro gha han iran. Iran ni ghọghọ ye ọlọghọmwa ne I ye, te a gha khulo iran werriegbe ne avbe fa iran an.

Psalm 6:10

Efaa ọmwa ne a mu gbotọ, gha rruan avbe eghian mwẹ. Iran gha lẹ ulẹ ọbanban gha rriẹ.

Psalm 71:12

Ghẹ khian rrei Osanobua; Osanobua mwẹ, zẹgiẹ gha dee do yọmwẹ obọ!

Psalm 71:13

Te obọ gha gba iran ni gun mwẹ gbinna ne a fuẹn iran an. Te a gha ya ekhue mu iran, ni ho ne iran kuan mwẹ, ne a vbe fa iran an.

Aizaia 28:13

Onii ọ re ọ sii ẹe ne Nọyaẹnmwa ra na ma uwa emwi, abidi ọkpọkpa, uviẹn ọkpọkpa, ipapa ebe ọkpọkpa. Ẹghẹ nii, inugba ne uwa zẹ owẹ ọ re uwa ra vbe gha rrua owẹ. Wa gha kuan egbe uwa, ifi gha munọ uwa, a ghi vbe hẹ uwa gha rrie zẹ vbe oghunmwu.

Aizaia 41:11

“Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Iyẹn ne ọ Maan Ọghe Jọn 18:6

Ugbẹn vbe Jesu ghi tama iran wẹẹ, “Mẹ ọna khin.” Iran bi ghe iyeke, iran keghi dele gbe otọ.