Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Psalm 7:9 - Edo Bible (E Baibol Ẹdo) Version 1996

9 Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

အခန်းကိုကြည့်ပါ။ ကော်ပီ




Psalm 7:9
36 ပူးပေါင်းရင်းမြစ်များ  

Ebraham khare wẹẹ, ‘Ọtẹn mwẹ nokhuo nọ,’ rẹn tobọ ẹre kevbe kha wẹẹ, ‘Ọtẹn mwẹ nokpia nọ.’ Ẹko ẹmwata ọre I ya ru emwi na, I ma ru khọ.”


E Nọyaẹnmwa, u ghi họn vbe ẹrinmwi ne u bu ohiẹn eguọmwadia ruẹ. Rri e nọ rria abe oya zẹ vbene ọ ma ẹẹn, ne u vbe zẹ orhue ne nọ ma rukhọ gbe.


Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.


Guọghọ ẹtin emwa dan ni zẹ iba, rri iran oya ye emwi dan ne iran ru, iran te do dobọ ẹre yi.


U gha họn, utumwẹ iran ne a zẹ kpokpo, kevbe emọ ne ẹi mwẹ erha. U gha bu ohiẹn ne iran, ne ọmwa ne ọ vbe sẹtin wu, ghẹ ghi zẹ afianma ye ọmwa egbe ọvbehe.


Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.


E Nọyaẹnmwa, wẹ danmwẹ mwẹ ghe nẹ, u vbe rẹn mwẹ nẹ.


U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.


Mẹ mu uhi e Nọyaẹnmwa sẹ nẹ, I ma fi iyeke gbe Osanobua mwẹ.


Gualọ otọ mwẹ ne u vbe danmwẹ mwẹ ghe Nọyaẹnmwa, ne u vbe kha vbene I ho kevbe iziro ọghe ekhọe mwẹ ye hẹ.


Guọnmwegbe kpaegbe Nọyaẹnmwa, ne u do gbinna mẹ. Osanobua mwẹ, kpaegbe ne u mu ẹzọ mwẹ gui.


E Nọyaẹnmwa ọ re ọ dia ọmwa ye odẹ ne ọ gha la, ọ ghi vbe gha degue iran ni ru vbene ọ yẹ ọre.


Ọ si mwẹ ke uwu uye dan ladian hin uwu odin amẹ ekhae ne ọ gbe ọmwa an. Ọ mu mwẹ mudia yan uhunmwu okuta vbe ne ai na mwẹ ẹbe, ọ keghi gbe mwẹ ẹkun sẹ otọ.


Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.


wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.


Guọghọ akọn avbe oduma ni khọ na, Osanobua.


E Nọyaẹnmwa ọrọre ehe ne iran na khu khian lẹ fi ehe ne ẹbe i ye vbe ẹghẹ ọlọghọmwa.


Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”


Ẹghẹ ne Nọyaẹnmwa gha na do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.


Rhunmwuda, ọ dee ra do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.


Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”


Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”


Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.


Ọ gha ya mu avbe owa ukpọn ọba ọghọe ne tẹgbẹẹ, ye ẹkpo okun kevbe oke nọkhua, ne a bọ Ọgua Osa yi sokpan, Ọ gha wu vbene ọmwa rhọkpa i ra na gha rre evba ne ọ gha yọre obọ.”


Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.


Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.


Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.


Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.


E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.


I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.


Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”


“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ