Psalm 7:6 - Edo Bible (E Baibol Ẹdo) Version 1996

⁶ Guakpao vbe ohu ruẹ Nọyaẹnmwa. Kpaegbe mu aro igbinna da okuosu avbe eghian mwẹ, guọnmwẹ egbe ne u do yọmwẹ obọ. Ohiẹn ẹmwata ọre uwẹ gualọ.

Psalm 7:6 ပူးပေါင်းရင်းမြစ်များ

II Samuẹl 17:14

Absalọm kevbe emwa rẹn keghi kha wẹẹ, “Iro ne Husiai zẹe ọ re ọ maa sẹ ọghe Ahitofẹl.” E Nọyaẹnmwa ta ẹe nẹ wẹ a i rhie iro esi ne Ahitofẹl zẹ rhunmwuda ne ọkhọ miẹn ehe na rruan Absalọm.

Psalm 103:6

Ọmwa ne a zẹ kpokpo, ọre Nọyaẹnmwa bu ohiẹn na, ọ ghi vbe gie emwi ne ọ khẹ ke iran sẹ iran obọ.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Psalm 143:3

Oghian mwẹ ru ọbafi mwẹ rre, obọ ẹre keghi gba mwẹ fẹẹrẹ. Ọ khui mwẹ ye uwu ẹwẹdọ ne ọ so ebiebi, te I ghi ye vbe ọmwa ne ọ wu ẹghẹ ne ọkpẹre.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 35:1

E Nọyaẹnmwa, mu aro da iran ni mu aro da mwẹ gu iran ni gunmwẹ gbinna, gbinna.

Psalm 35:23

Guọnmwegbe kpaegbe Nọyaẹnmwa, ne u do gbinna mẹ. Osanobua mwẹ, kpaegbe ne u mu ẹzọ mwẹ gui.

Psalm 44:23

Rhiọrre, Nọyaẹnmwa, vbọzẹ ne u na vbiẹ yi? Guọnmwẹ egbe kpaegbe; ghẹ he ima ye otọ rhinrin ẹdẹ.

Psalm 44:26

Gha dee do yi ima obọ rhunmwuda ahoẹmwọmwa ruẹn ne ẹ i beghe miẹn mwa fan.

Psalm 59:5

Kpaegbe Nọyaẹnmwa ne Oghodua ne u yọmwẹ obọ to bọọ gie aro ruẹe sẹ ọe Osanobua Izrẹl. Rhiọrre, ne u rri iran ni ma yayi oya ghẹ tohan emwa dan ni ya ọmwa ne a vbokho.

Psalm 73:20

Iran yevbe imina ne ọ fo vbe owiẹ, wẹ gha guakpao Osanobua a ghi ho iran bẹkun.

Psalm 74:3

Khian la emwi ni rẹnkhuan na gberra avbe eghian mwa rẹnkhẹn emwi ni rre Ọgua Osa fo.

Psalm 78:65

Vbe okiekie e Nọyaẹnmwa keghi rhiọrre vbe ne a miẹn wẹ te ọ te vbiẹ, ọ keghi yevbe okpia ne ọ wegbe ne ọ ya ayọn fian ọghae ye uhunmwu.

Aizaia 3:13

E Nọyaẹnmwa mu egbe ne ọ gha ya gui ẹzọ ọghọe, ọ mu egbe ne ọ gha ya bu ohiẹn emwa irẹn.

Aizaia 33:10

E Nọyaẹnmwa tama avbe uhunmwu ẹvbo wẹẹ, “Banbanna nian, I gha guan yọ, I gha rhie ma uwa vbene ẹtin mwẹ sẹ hẹ.

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.