Psalm 7:2 - Edo Bible (E Baibol Ẹdo) Version 1996

² Ne iran ghẹ ya mu mwẹ gha rriẹ, zẹ vbe oduma, vbe ne ọmiọnmwafan i na rrọọ. Iran ghi yanghan mwẹ ye otọ, ukhiọnmwẹ ukhiọnmwẹ.

Psalm 7:2 ပူးပေါင်းရင်းမြစ်များ

II Samuẹl 14:6

Enọwanrẹn, emọ ikpia eva ọre I mwẹ. Ọ ghi sẹ ẹdẹ ọkpa, ẹzọ keghi sunu ne iran vbe oha, ehe ne a ma na miẹn ọmwa ne ọ mu iran igbinna, ọkpa keghi gbe nọkpa a.

Job 10:7

U rẹnrẹn wẹ I ma rria abe. Ọmwa ne ọ gha sẹtin wọlọ mwẹ hin obọ ruẹ rre, ẹ i rrọọ.

Psalm 10:9

Ọ ghi rhuẹ ye ehe ne ọ lẹre yi zẹ vbe oduma, Ọ ghi lẹre khẹ ovbiogue. Ọ gha ghi ya ifi ẹre munọ iran nẹ, ọ ghi silo iran gha rriẹ.

Psalm 11:1

E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

Psalm 16:1

Rhie mwẹ lẹre Osanobua, rhunmwuda, wẹ ọ re I lẹgbinna.

Psalm 17:12

Iran ye vbe oduma, iran gha khẹ mwẹ, iran gha khẹ ne iran yanghan mwẹ ukhiọnmwẹ ukhiọnmwẹ.

Psalm 22:13

Iran rhan unu iran zẹvbe oduma, iran viọ ihiẹn da mwẹ.

Psalm 31:2

Họn urhu mwẹ, miẹn mwẹ fan nian. Gha re ugue, ne ọ gha degue mwẹ. Ọmwa ne ọ gbinna mẹ, ne ọ ra miẹn mwẹ fan.

Psalm 35:15

Sokpan, mẹ ghi rre uwu ọlọghọmwa nian, iran kegha ghọghọ, iran kegha gbe ẹbu ya mwẹ gbogiẹ. Avbe orhunmwuyẹn gbe mwẹ iran kegha liki mwẹ.

Psalm 50:22

“Wa danmwehọ ẹmwẹ na wa ni ma zẹ ye ogho mwẹ ne I ghẹ fuẹn uwa a a i vbe miẹn ọmwa ne ọ gha miẹn uwa fan.

Psalm 59:2

Miẹn mwẹ fan vbe obọ avbe emwa dan nii, yuo mwẹ hin obọ avbe izigha nii rre!

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Aizaia 38:13

I ye asọn hia viẹ eve obalọ vbene a miẹn wẹ te oduma guọghọ ugboloko mwẹ. I te gha ro ighe te Osanobua rhie ufomwẹ ye ẹdẹ mwẹ.

Diuteronomi 33:20

Ọ keghi kha vbe ekpa ẹwae Gad wẹẹ: “Rho Osanobua ne ọ gie otọ iran gha kpolo. Gad mudia gha khẹ zẹ vbe oduma ne ọ yan obọ ọkpa ra ikpakpa uhunmwu fua.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

I Pita 5:8

Khẹ yegbe, gha ba odẹ! Rhunmwuda Esu ne oghian ruẹn gha vin yo vin rre, ọ gha davan vbe oduma, ọ gualọ ọmwa ne ọ gha gbe re.