Psalm 7:15 - Edo Bible (E Baibol Ẹdo) Version 1996

¹⁵ Sokpan, ifi ne iran te khuẹn khẹ ẹrrẹe, iran tobọ iran ọ re ọ ghi mu.

Psalm 7:15 ပူးပေါင်းရင်းမြစ်များ

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Job 15:35

Iran na ọrọre emwa ni mwamwa orueghe, iran ghi vbe gha ru emwi dan. Erẹrẹ ọ re ọ vuọn orhiọn iran vbe ẹghẹ hia.”

Job 4:8

Mẹ miẹn emwa ni gua ugbo ọkhọ nẹ, iran na kọ uyinmwẹ ika zẹ vbe emwi okọ, eban nian, emwi ne iran rhọ ọrọre ọkhọ kevbe emwi dan.

Job 6:27

Wa gha sẹtin yan uta ye ọviẹn ne udefiagbọn, wa ghi silo emwi ọse uwa khuankhuaankhuan ya vuọn ẹfe uwa.

Psalm 10:2

Iran ne emwa dan tọn egbe mu, iran gha zẹ ivbiogue kpokpo, ya ifi ne iran khuẹn munọ iran.

Psalm 119:85

Iran ni tọn egbe mu ni i ya uhi ruẹ ru emwi, iran fian uvun ye otọ ya khuẹn ifi khẹ mwẹ.

Psalm 141:10

Te emwa dan gha dele ye ifi iran tobọ iran, vbene imẹ gha na la evba gberra hẹnnẹdẹn.

Psalm 57:6

Avbe eghian mwẹ rhuẹ ọga yotọ ne iran mu mwẹ, akhiẹ gbe mwẹ fi otọ iran tọn uye ye odẹ ne I la, sokpan, iran tobọ iran kharha yọ.

Psalm 94:13

U rhie ikẹtin ne ẹẹn vbe ẹghẹ ibaro, a te do tọn uye ya mu ọmwa dan vbe ifi.

Itan 26:27

Emwa ni khuẹn ifi khẹ ẹrrẹe, ọ re ọ de ye nene ifi. Iran ni rrua ekẹn, ọ re ekẹn rẹnkhẹn uan.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Aizaia 33:11

Emwamwa oya ọ re uwa mwamwa, emwi ne uwa vbe ru, okpa ne ọ mwẹ asa, i rrọọ. Te orhiọn mwẹ yevbe erhẹn ne ọ ra fuẹn uwa a.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Jerimaia 18:20

Ọkhọ ọ re a ya ha osa ọma ra? Sevba, iran tọn uvun ye otọ khẹ mwẹ ne I de yọ. Yerre vbene I bu ruẹ rre hẹ, I na do gha rinmwian ne iran wẹ ne u ghẹ ye ohu ru iran emwi.

Daniẹl 6:25

Ẹre Dariọs ne ọba na gbẹnnẹ ebe gie emwa ni rre uhunmwu ẹvbo hia, emwa ughughan kevbe ẹvbo ne a zẹ ni rre otọ agbọn wẹẹ, “I giotuẹ uwa hia!