Psalm 7:10 - Edo Bible (E Baibol Ẹdo) Version 1996

¹⁰ Osanobua ọrọre ne ọ degue mwẹ, rẹn vbe miẹn iran ni họn ẹmwẹ ne ẹẹn fan.

Psalm 7:10 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

II Krọnikol 6:30

U ghi họn erhunmwu iran. Danmwehọ iran vbe owa ruẹ vbe ẹrinmwi ne u yabọ iran. Wẹ ọkpa kẹkan ọ re ọ rẹn emwi ne ọmwa mu ro vbe ekhọe. U ghi ru dọmwadẹ ọghe ọe vbene ọ khẹ ke ẹe.

Job 8:6

A deghẹ ọmwa ẹmwata ne ẹ i mwẹ iruẹn ọ re u gele khin, Osanobua gha rre do yuọ obọ, ọ ghi rhie igiowa ruẹ, dọlegbe ye ihe, zẹ vbe emwi ne a ya san ruẹn ẹse.

Psalm 112:2

Ivbi ọmwa esi gha mwẹ ẹtin vbe otọe nii; a gha fiangbe ivbi uniẹn ọnrẹn.

Psalm 125:4

E Nọyaẹnmwa, ru ọmaa ne iran ni maa, iran ni ya iyi ruẹ ru emwi.

Psalm 3:3

Sokpan, wẹ, Nọyaẹnmwa ọrọre asa mwẹ, vbe ẹghẹ ẹbe kevbe ẹghẹ hia. Wẹ ọ re ọ rhie akhọnmiotọ mẹ. U keghi vbe rhie orhiọn yọ mwẹ iwu.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Psalm 89:18

Nọyaẹnmwa, wẹ ọ re ọ zẹ ọmwa ne ọ degue mwa, wẹ, Ọmwa Ne ọ huanrẹn Izrẹl, ọ re ọ rhie ọba mwa ne ima.

Itan 11:20

E Nọyaẹnmwa i ho ẹmwẹ ọmwa ne ọ mwẹ ekhọe ibisi, sokpan, ọ ho ẹmwẹ ọmwa ne ọ ru emwi ẹse.

Itan 2:21

Emwa ẹmwata, emwa ni rẹn enegbe, gha yin otọe ima na.

Itan 28:18

Gha ta ẹmwata, u gha fe vbe obọ ẹbe. Adeghẹ u i ta ẹmwata, u gha de vbe udomwurri.

Jerimaia 11:20

Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”