Psalm 7:1 - Edo Bible (E Baibol Ẹdo) Version 1996

¹ E Nọyaẹnmwa Osanobua mwẹ, I bu ruẹ rre ne I do lẹ gbinna an. Fan mwẹ ye otọ, ne u vbe miẹn mwẹ fan vbe obọ iran ni khu mwẹ khian.

Psalm 7:1 ပူးပေါင်းရင်းမြစ်များ

Psalm 11:1

E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

Psalm 13:3

Tọn aro mu ghe mwẹ Nọyaẹnmwa. Ne u zẹ ẹmwẹ wanniẹn mwẹ. Rhie orhiọn mwẹ werriegbe ye ihe; ghẹ gun mwẹ wu.

Psalm 13:5

Ahoẹmwọmwa ruẹn ne ẹi fiwerriẹ ọre I mu ẹtin yan. I gha ghọghọ rhunmwuda, u gha miẹn mwẹ fan

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 18:28

E Nọyaẹnmwa, wẹ rhie uwanmwẹ mẹ u keghi khu ebiebi mwẹ fua.

Psalm 25:2

Osanobua mwẹ, wẹ ọ re I mu ẹtin yan. Miẹn mwẹ fan hin obọ; efaa ọghe a mu ọmwa gbotọ, ghẹ gie avbe eghian mwẹ ghọghọ mwẹ.

Psalm 26:1

Bu asẹ mẹ, Osanobua, rhunmwuda mẹ ru vbene ọ kei yi I keghi mu ẹtin yan ruẹn fẹfẹẹfẹ.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 30:12

Rhunmwuda ọnii, mẹ i ra hunwan I gha so ihuan urhomwẹ ghe ruẹ e Nọyaẹnmwa, wẹ ọrọre Osanobua mwẹ I gha rhie ekpọnmwẹ ne uẹn rhinrin ẹdẹ.

Psalm 30:2

Nọyaẹnmwa Osanobua mwẹ, I tu tie ruẹ nọ iyobọ. U keghi mu mwẹ egbe rran

Psalm 31:15

wẹ ọ re ọ gbe aro ghe mwẹ vbe ẹghẹ hia. Miẹn mwẹ fan vbe obọ avbe eghian mwẹ, kevbe obọ iran ni kpokpo mwẹ.

Psalm 32:10

Ẹi mwẹ ne ọmwa dan ghẹ rri oya, sokpan, iran ni mu ẹtin yan e Nọyaẹnmwa ahoẹmwọmwa rẹn ne ẹi beghe, degue iran.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Psalm 89:26

Rẹn gha tama mwẹ wẹẹ, ‘wẹ ọrọre erha mwẹ kevbe Osanobua mwẹ; wẹ ọrọre ne ọ degue mwẹ kevbe ọmiọnmwafan mwẹ.’

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Jerimaia 15:15

Ẹghẹ nii ọ re imẹ na kha wẹẹ, “E Nọyaẹnmwa, wẹ rẹn vbene emwi yẹ hẹ. Ye mwẹ rre ne u yọmwẹ obọ. Gun mwẹ sẹtin rria iran ni zẹ mwẹ kpokpo ikhi. Ghẹ ziengbe ne obọ iran gba mwẹ ya rhie gbe ua yerre wẹ rhunmwuda ruẹ ọ re a na rhovbiẹ mwẹ.

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Daniẹl 9:4

I na erhunmwu ghe e Nọyaẹnmwa Osanobua mwẹ, I keghi miẹn orukhọ emwa mwẹ kue I keghi kha wẹẹ, “E Nọyaẹnmwa Osanobua mwẹ, wẹ kpọlọ ẹsẹse, ma vbe ya ọghọ nuẹn. Te uwẹ rhie obọ lele ile ne u tae, u keghi mwẹ aho ẹmwẹ ọmwa ne ẹ i fafaa ghe iran ni ho ẹmwẹ ruẹn, iran na vbe gha ya uhi ruẹ ru emwi.

Habakọk 3:1

Erhunmwu ne Habakọk ne akhasẹ naẹn ọ re ọna khin:

Zẹkaraia 14:5

We ghi lẹ la iya na ne ọ fian oke ni rra ya sẹ obọ nọkpa ladian. Wa ghi lẹ zẹ vbene avbe erha uwa odede ka lẹ vbe ẹghẹ ne igbohiotọ na gha rrọ vbe ẹghẹ Ọba Uzaia ọghe Juda. E Nọyaẹnmwa Osanobua mwẹ gha viọ avbe odibosa hia mwẹ obọ gha dee.

Jọsua 14:8

Sokpan, emwa ni lele mwẹ gha khian keghi zẹ afianma ye emwa egbe, mẹ keghi ye ẹko ata họn ẹmwẹ ne Nọyaẹnmwa Osanobua mwẹ.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Pita 4:19

Rhunmwuda ọnii khekherriọ, iran ni rri oya rhunmwuda wẹ, vbene Osanobua wẹ emwi gha ye iran hẹ nọ, wẹ ne iran la ekpa uyinmwẹ esi iran wa ya egbe iran hia yan Ayi ne ọ yi iran, ọmwa ne ọ re ne ẹ i hiẹ ọmwa.