Psalm 69:26 - Edo Bible (E Baibol Ẹdo) Version 1996

²⁶ Iran keghi gha zẹ emwa ne uwẹ rri ọre oya kpokpo iran kegha na iyẹn emwa ne uwẹ kuanrẹn.

Psalm 69:26 ပူးပေါင်းရင်းမြစ်များ

II Krọnikol 28:9

Okpia ọkpa ne a tie eni ẹnrẹn Odẹd, ne ọ vbe re akhasẹ kegha rre Sameria. Ọ keghi dekun ivbiyokuo Izrẹl ni ke okuọ dee, deba ivbi e Juda ne iran munọ ẹre oghunmwu vbe iran ghi ra wa la ore ẹvbo, ọ na kha wẹẹ, “E Nọyaẹnmwa ne Osanobua avbe erha uwa odede keghi mu ohu ivbi e Juda, ọ na gie obọ uwa ke ukhunmwu ne iran, wanwanna nian, ọ họn ugbe mwẹ ọghe ekhọe dan ne uwa gbele iran re.

Job 30:13

Iran khui ehe ne I gha la lẹfua, iran na wẹ ne iran wa fuẹn mwẹ uan; a i miẹn ọmwa ne ọ wẹ iran dobọyi.

Psalm 109:16

Oko nii ma zẹdẹ rẹn wẹ a vbe tohan ọmwa hiehiere, ọ ghi gbele iran an.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 53:4

“Sokpan rẹn ya egbe miẹn oya ne ọ te khẹ ke mwa obalọ ne ọ te kei ne ọ gha re ọghomwa. Ẹghẹ na hia, ma kegha roro wẹ obọ Osanobua ọre oya ne ọ re ke rre.

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

I Tẹsalonaika 2:15

Iran ni gbe Nọyaẹnmwa Jesu kevbe avbe akhasẹ, iran keghi vbe khu ima khian. Umiẹn vbe ohu iran mu Osanobua hẹ! Umiẹn vbene iran khọ mu emwa hia hẹ!