Psalm 69:25 - Edo Bible (E Baibol Ẹdo) Version 1996

²⁵ Te agọ iran gha vẹ kua ai gha miẹn ọmwa ne ọ gha miẹn uhunmwu vbe owa ukpọn iran.

Psalm 69:25 ပူးပေါင်းရင်းမြစ်များ

I Ọba 9:8

Ọgua Osa na ghi do khian otiku ọrhiae, ọ ghi gha yan emwa hia ni la evba gberra unu an, ọ ghi gbe orrirri ku iran, iran ghi kha wẹẹ, ‘Vbọzẹ ne Nọyaẹnmwa na ru otọ na kevbe emwa na vbenian yi?’

Aizaia 5:1

Danmwehọ ihuan ne I ra so ma ruẹn, ihuan ọghe ọse mwẹ kevbe ogba azara ẹre: Ọse mwẹ kegha mwẹ ogba azara vbe oke ne ọ maa emwiokọ ẹsẹse.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Matiu 23:38

Banbanna nian, ẹvbo ruẹ khian evba he!

Iyẹn ne ọ Maan Ọghe Luk 13:35

Ghe nian, owa ruẹ khian ne a he ye otọ. Ne I tama ruẹn u ighi dọlegbe miẹn mwẹ ọvbehe, ọ te do sẹ ẹghẹ ne u gha na kha wẹ, ‘Ne Osanobua fiangbe ọmwa ne ọ dee vbe eni Nọyaẹnmwa.’ ”

Iwinna 1:20

“Rhunmwuda a gbẹn ọẹn ye ebe Psalm, “ ‘Te owa ẹre gha dihoi rua, a i gha miẹn ọmwa ne ọ gha diẹe ya.’ A ye vbe gbẹn ọẹn ye ihe ọvbehe wẹẹ: ‘Te ọmwa ọvbehe gha rhie ihe ẹre vbe iwinna.’