Psalm 69:21 - Edo Bible (E Baibol Ẹdo) Version 1996

²¹ Ẹghẹ ne ohanmwẹ na gha gbe mwẹ iran keghi rhie eruan mẹ, ẹghẹ ne ovbamẹ na gha gbe mwẹ iran keghi mu okikan gun mwẹ.

Psalm 69:21 ပူးပေါင်းရင်းမြစ်များ

Asan-Ibo 4:1

I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

Jerimaia 23:15

Rhunmwuda ọnii nian, emwi ne I mẹ ne Nọyaẹnmwa ne Oghodua tae vbekpa avbe akhasẹ ni rre Jerusalẹm ọ re ọna khin. I gha rhie ukpakọn ne ọ rriara ne iran kpe I gha mu eruan ne iran wọn rhunmwuda iran ya a i ka Osanobua yọ gba otọe ni hia.”

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Jerimaia 9:15

Rhunmwuda ọnii nian, danmwehọ emwi ne imẹ ne Nọyaẹnmwa ne Oghodua ne Osanobua Izrẹl, gha ru. I gha rhie erhan ne ọ rriara ne emwa mwẹ kpe zẹvbe ukpakọn, I ghi vbe mu eruan ne iran wọn.

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Matiu 27:34

Evba iran na mu ayọn ne a ya okikan gua ne ẹn da, sokpan ugbẹn vbe ọ ghi danmwẹ ọẹn ọ ma dae.

Matiu 27:48

Ọkpa vbe usun iran keghi wa zẹgiẹ rhulẹ ya rhie ihiọn ihuawa, ọ dinmwi ẹn ye uwu ayọn, ọ keghi rhie ẹre ye ukpẹ ọkpọ erhan mu nẹ ne ọ hiẹnhiẹn ọẹn wọn.

Iyẹn ne ọ Maan Ọghe Mak 15:23

Iran ghi sẹ evba, iran keghi te ra mu ayọn ne a ye ukhunmwu ne a tie ẹre maia gua nẹ ẹn da, sokpan Jesu ma da e.

Iyẹn ne ọ Maan Ọghe Mak 15:36

Ọkpa vbe uwu iran ni rre evba keghi rhie ihiọn, ọ keghi ya zẹgiẹ fi ẹe ye ayọn, ọ keghi ya ọkpọ tọn ẹn mu ghe odukhunmwu, ọ na rhie ẹre ye Jesu unu, ọ wẹẹ, “Wa zin egbe, wa gie a dia gha ghe deghẹ Elaija gha do mu ẹn tuorre vbe uhunmwu ugbugbe.”

Iyẹn ne ọ Maan Ọghe Luk 23:36

Avbe ivbiyokuo keghi vbe yae gbe ogiẹ, iran bu ẹre gha dee, iran keghi mu ayọn ne ọ kaẹn nẹ.

Diuteronomi 29:18

Wa ghẹ gie a miẹn wẹ, ọ re okpia nọ ra okhuo nọ, ẹgbẹe ra ẹwae ni rre emwa ẹrẹna, fiwerriẹ hin ehe ne Nọyaẹnmwa Osanobua mwa ye rre, ne iran ya gha ga ẹbọ ẹvbo ọvbehe. Te ọnii ra gha yevbe inian ne ọ zọ ladian do khian erhan ne ọ rriara kevbe ne obi ye.