Psalm 69:19 - Edo Bible (E Baibol Ẹdo) Version 1996

¹⁹ U rẹnrẹn vbene emwa rhovbiẹ mwẹ hẹ, vbene iran fa mwẹ uan kevbe vbene iran ya oya mẹ hẹ u bẹghe avbe eghian mwẹ hia.

Psalm 69:19 ပူးပေါင်းရင်းမြစ်များ

Psalm 38:9

Nọyaẹnmwa, wẹ rẹn emwi ne I rhie aro yi, u vbe họn utumwẹ obalọ mwẹ hia.

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Aizaia 53:3

Ma zan rẹn a keghi vbe he ẹe yotọ. Ọ ziengbe oya kevbe obalọ, a ma miẹn orhiọnkpa ne ọ vbe tọn aro mu ghe ẹre ma keghi wa yangbe ẹe vbene a gha kha ighẹ ẹ i re emwi rhọkpa.

Iyẹn ne ọ Maan Ọghe Jọn 8:49

Jesu wanniẹn wẹẹ, “Mẹ i mwẹ orhiọn esu. Mẹ ya ọghọ ne Erha mwẹ sokpan wa i ya ọghọ mẹ.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

I Pita 2:23

Ugbẹn vbe a tie ihẹn nẹẹn, ọ ma tie ha osa. Ugbẹn vbe ọ rri oya, ọ ma ya obọ sa ekhae ne ọmwa rhọkpa, sokpan, ọ keghi wa mu idaehọ ẹre hia yan Osanobua, ọmwa ne ọ bu ohiẹn Ne ẹ i bu eku.