Psalm 68:9 - Edo Bible (E Baibol Ẹdo) Version 1996

⁹ U gie amẹ kakabọ rhọ u keghi dọlọ otọe ruẹ ne ọ te fafaa yi.

Psalm 68:9 ပူးပေါင်းရင်းမြစ်များ

I Ọba 19:11

E Nọyaẹnmwa keghi tama rẹn wẹẹ, “Ladian ne u ya mudia ye odaro mwẹ vbe uhunmwu oke.” Ẹre Nọyaẹnmwa na do gberra, ọ na gie ẹhoho ne ọ wegbe, ọ na gha mu oke ni rueghe, ọ na gha rẹnkhẹn avbe okuta sokpan e Nọyaẹnmwa ma gha rre uwu ẹhoho nii. Ẹhoho keghi dobọyi, igbohiotọ keghi suẹn. Sokpan e Nọyaẹnmwa ma gha rre uwu igbohiotọ nii.

Ẹksọdọs 19:18

Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Diuteronomi 11:14

Wa gha ru vberriọ, ọ gha gie amẹ rhọ ye otọ uwa vbe ẹghẹ ne ọ khẹ ke, vbe ẹghẹ ahọ orhọ kevbe ahọ uyunmwu, ne uwa miẹn ehe na gha mwẹ ọka, ayọn kevbe ofigbọn ọliv.

Giọgis 5:4

E Nọyaẹnmwa, ẹghẹ ne u na kpao vbe oke Sẹa vbe u ke iwewe Idọm ladian, otọe rueghe, amẹ keghi rhọ ke iso rre, vbe ẹmwata, amẹ kegha kpe ke ideghedeghe kua.

Giọgis 5:5

“Avbe oke nekhua guọe vbe odaro Nọyaẹnmwa e Sainai, vbe odaro e Nọyaẹnmwa ne Osanobua Izrẹl.