Psalm 68:33 - Edo Bible (E Baibol Ẹdo) Version 1996

³³ Ghe irẹn nii ne ọ hin khian vbe iso ẹvbo nẹdẹ nii wa danmwehọ ẹre vbe ọ ya urhu ne ọ la davan.

Psalm 68:33 ပူးပေါင်းရင်းမြစ်များ

I Ọba 8:27

“Sokpan, Osanobua gha gele sẹtin yin agbọn na ra? Vbene ẹrinmwi hia sẹe nii, ẹ i gua a, vbe Ọgua Osa ne imẹ bọe ghi ra gua a hẹ?

Psalm 102:25

Vbe ẹghẹ ne ọ kpẹ fua, u keghi yi agbọn na, obọ ruẹ ọre u vbe ya yi ẹrinmwi.

Psalm 104:3

U keghi bọ owa ruẹ yan amẹ ne ọ rre odukhunmwu, u ye okuku amẹ ru ikẹkẹ okuo ruẹ, u keghi hin khian vbe ifuẹn ẹhoho.

Psalm 18:10

Ọ keghi giẹgiẹ ye emwi ne a yi ọghọe ne ọ mwẹ ifuẹn, tin kpao; ọ keghi lele ifuẹn ẹhoho gha rriẹ okhian.

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Psalm 66:1

Wa we uwemwẹ oghọghọ ya rho e Nọyaẹnmwa wa ne emwa hia.

Psalm 66:2

Wa so ihuan uyi eni ẹnrẹn wa rhie urhomwẹ uyi ne ẹẹn.

Psalm 68:4

Wa so ihuan ghe Osanobua wa so ihuan urhomwẹ ghe eni ẹnrẹn, wa zẹ odẹ nẹ ọmwa ne ọ hin okuku amẹ khian. Nọyaẹnmwa ọ re a tie ẹre, wa gha sẹ ọyẹnmwẹ vbe eni ẹnrẹn.

Psalm 93:2

Ke omuhẹn gha dee, te ẹkete ruẹ wa de ziẹn gbain, Nọyaẹnmwa, wẹ rrọ nẹ ẹghẹ te do suẹn.

Ezikiẹl 10:5

Owogho ne ifuẹn avbe aranmwẹ nii gbe, a keghi wa gha họn ẹẹn vbe ẹghodo ne ọ ke ore. Ọ keghi ye vbe urhu Osanobua ne Oghodua.

Diuteronomi 10:14

“Ẹrinmwi ne ọ yo sẹ ehia, e Nọyaẹnmwa ọ re ọ yan rẹn. Rẹn ọ vbe yan agbọn kevbe emwi hia ni rre uwu ẹre.

Diuteronomi 33:26

“Wa ne ivbi Izrẹl, ẹbọ ne ọ yevbe Osanobua uwa i rrọọ, ne ọ ye ose nọkhua hin fian iso rra, ọ na hin la okuku amẹ do ye uwa obọ.

Arhie Maan 11:12

Avbe akhasẹ eva na keghi họn urhu nọkhua ọkpa, ne ọ ke ẹrinmwi rre gha gu iran guan wẹ, “Wa hin odukhunmwu gha die edinran.” Vbene avbe eghian wa ghe iran nii, iran keghi lele ikpakpaiso hin odukhunmwu gha rrie ẹrinmwi.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.