Psalm 68:3 - Edo Bible (E Baibol Ẹdo) Version 1996

³ Sokpan, avbe ẹmwata ghọghọ iran keghi vbe sẹ ọyẹnmwẹ vbe odaro ẹre ẹko rhiẹnrhiẹn iran, iran keghi vbe we uwemwẹ oghọghọ.

Psalm 68:3 ပူးပေါင်းရင်းမြစ်များ

Psalm 21:1

Ẹko ọba rhiẹnrhiẹn, Nọyaẹnmwa, rhunmwuda, wẹ rhie ẹtin ne ẹẹn. Rẹn sẹ ọyẹnmwẹ, rhunmwuda, wẹ rhie akhọnmiotọ ne ẹẹn.

Psalm 32:11

Wa gha ghọghọ, ne uwa vbe gha sọyẹnmwẹ wa ne ẹmwata rhunmwuda, iwinna ne Nọyaẹnmwa winna ẹn. Wa ni họn ẹmwẹ ne ẹẹn, wa gha we ne oghọghọ.

Psalm 37:20

Sokpan, avbe emwa dan gha wulo avbe eghian Nọyaẹnmwa gha hoho ua zẹ vbe obobo oha. A gha ho iran bẹkun zẹvbe ighogho.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Psalm 58:10

Ẹko gha rhiẹnrhiẹn ẹmwata, vbe iran a miẹn wẹ a rri emwa dan oya, iran gha tubu la esagiẹn emwa dan gberra.

Psalm 64:10

Emwa ẹmwata hia gha ghọghọ ye iwinna ne Nọyaẹnmwa winna ẹn. Iran gha ya lẹgbinna ẹẹn, avbe ẹmwata hia gha rho ẹre vbe uyi.

Psalm 75:4

I tama emwa dan wẹẹ, ne iran ghẹ ghi hio,

Psalm 97:12

Wa gha ghọghọ, wa ne ẹmwata hia; rhunmwuda iwinna ne Nọyaẹnmwa winnaẹn! Wa ye iwinna ne Osanobua ne ọ huanẹn winna ẹn rre, ne uwa vbe gha kpọnmwẹ ọẹn.

Diuteronomi 12:12

Ẹghẹ nii wa gha ghọghọ vbe odaro ẹre, kevbe ivbi uwa kevbe ọguọmwadia uwa kevbe avbe Livai ni rre ẹvbo uwa, (yerre wẹ avbe Livai i khian gha mwẹ otọ obọ iran.)

I Tẹsalonaika 5:16

Wa gha sẹ ọyẹnmwẹ vbe ẹghẹ hia.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 19:7

Wa gie ima gha ku, ne a gha ghọghọ, wa gie ima rho ukpọlọmwẹ ọnrẹn! Rhunmwuda ẹghẹ sẹ nẹ ne a ra na do ugie orọnmwẹ ọghe Oteghe Ohuan nii, ovbiọha vbe mu egbe ẹre ye otọ nẹ.