Psalm 68:29 - Edo Bible (E Baibol Ẹdo) Version 1996

²⁹ Ke Ọgua Osa ruẹ ne ọ rre Jerusalẹm gha dee, ehe ne avbe ọba na viọ imuohan guẹ.

Psalm 68:29 ပူးပေါင်းရင်းမြစ်များ

I Ọba 10:10

Ẹre ọba okhuo e Siẹba na viọ igoru ne ọ sẹ omwa etọni isẹn ne Solomọn, deba emwi ni winhin kevbe ikpẹrọnmwọ. Emwi ni winhin ne ọ viọ ne ẹẹn, ọrọre ne ọ he bun sẹ ne ọ he ka miẹn ẹdẹ ẹsẹse.

I Krọnikol 29:3

Yevbe deyan ena hia ne a mu egbe ẹre ye otọ na, I kevbe viọ avbe igoru kevbe esiliva ọghe obọ mwẹ ladian rhunmwuda vbene iho ẹmwẹ Ọgua Osa ọghe Osanobua hẹ.

II Krọnikol 32:23

Emwa ni bun kegha rrie Jerusalẹm, iran kegha ya imuohan gie Nọyaẹnmwa, iran na vbe gha zẹ ọhẹ gie Hẹzekaia sẹrriọ we ke ẹghẹ ni kpa, emwa hia keghi wa gha ghe Hẹzekaia gidii.

II Krọnikol 32:33

E Hẹzekaia keghi wu, a na re ẹre ye obọ ne ọ ke uwu idin avbe ọba. Ivbi e Juda kevbe ivbi e Jerusalẹm hia keghi ru ne ẹẹn ẹsẹse vbe ọ wu. E Manasẹ ne ovbi ẹre keghi rriọba lele ẹe.

Nehimaia 2:8

I keghi vbe nọ wẹ ne ọ gbẹn ebe mẹ rhie gie Asaf ne ọ gbearoghe ẹgbo ọba, ne ọ khama rẹn wẹ ne ọ viọ erhan mẹ ne I ya kan ẹkhu onurho odin ne ọ degue Ọgua Osa, deba ọghe ekẹn ne a gbe lẹga ẹvbo kevbe owa ne imẹ ra dia. Ọgbaisi keghi wa viọ emwi ne I nọrẹn hia mẹ rhunmwuda, Osanobua gun mwẹ rrọọ.

Psalm 45:12

Ivbi e Taia gha ha oko guẹ, emwa nii ni fe ghi gha gualọ aro nọ maa ọwuẹ.

Psalm 76:11

Ha emwi ne u ve, ne Nọyaẹnmwa Osanobua ruẹ; wa ye imuohan gie ẹe wa ne agbọn ẹvbo ni sikẹ edinran.

Aizaia 18:7

Ẹdẹ dee ne Nọyaẹnmwa gha na miẹn emwi ihaoko vbe obọ ẹvbo na ne ẹzẹ ghae ye inu ihe ne ọ khin, ẹvbo ni wegbe ni vbe mwẹ ẹtin na, ẹvbo ni taẹn ne ikpakpa egbe ẹre vbe rrie na, ne emwa mu ohan rẹn la otọ agbọn hia. Iran gha rri Oke Zaiọn, ehe ne a na ga e Nọyaẹnmwa ne Oghodua.