Psalm 68:27 - Edo Bible (E Baibol Ẹdo) Version 1996

²⁷ E Bẹnjamin ne ẹwae ne ọ kanmwa sẹ ke odaro vbe iyekọnii, avbe ọkaolotu e Juda kevbe otu iran, avbe ọkaolotu e Zẹbulọn kevbe Naftali keghi lele ẹe.

Psalm 68:27 ပူးပေါင်းရင်းမြစ်များ

Gẹnẹsis 42:32

etẹn iweva ma te gha khin, erha ọkpa ọre ọ biẹlẹ ima. Ọkpa vbe uwu ima wu nẹ, nọ ọ ghi kanmwa sẹ gu erha ima vbe Kenan.’

II Samuẹl 3:19

Abna keghi vbe gu emwa ẹwae Bẹnjamin guan, ọ kevbe gha rrie Hibrọn ya tama e Devid emwi ne emwa Bẹnjamin kevbe ivbi Izrẹl khare ighẹ, iran ra ru.

I Krọnikol 12:16

Ẹghẹ ọkpa, ikpia eso keghi si egbe koko vbe Bẹnjamin kevbe Juda, iran na bu e Devid vbe ehe ne ọ ye ne a gbe odin ga vbe ato.

I Krọnikol 15:3

E Devid keghi rhunmwuda ọnii tie ivbi Izrẹl hia gha die Jerusalẹm ne a miẹn ehe na mu Ẹkpẹti Ile gha die ehe ne a dọlọ yi ye otọ khẹ ọre.

Psalm 26:12

I fe vbe obọ ẹbe hia, I rho e Nọyaẹnmwa vbe uwu ẹbu iko emwa rẹn.

Psalm 47:9

Iran ni khaemwisẹ avbe agbọn ẹvbo si koko deba emwa Osanobua Ebraham rẹn ọ re ọ mwẹ ẹtin sẹẹ avbe ivbiyokuo hia rẹn ọkpa ọ khaemwisẹ vbe ehe ne ọ yo sẹẹ ehia.

Psalm 60:7

Ọghomwẹ ọre Giliad khin, kevbe Manasẹ ba ẹre. Ifreim ọrọre ẹrhu mwẹ, e Juda ọrọre ọkpọ ọba mwẹ.

Aizaia 11:13

Otọe arriọba Izrẹl i ghi ra vbe dọlegbe gha gu e Juda taekpẹn ọvbehe, e Juda i ghi ra vbe gha re oghian Izrẹl ọvbehe.

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Giọgis 20:35

E Nọyaẹnmwa keghi rhie akhọnmiotọ ne ivbi Izrẹl vbe uhunmwu ivbi e Bẹnjamin. Ivbi Izrẹl keghi gbele arhin iyisẹn yan arriaisẹn ekesọgban (25,100) vbe avbe eghian iran vbe ẹdẹ nẹdẹrriọ.

Giọgis 5:18

Sokpan ẹwae Zẹbulọn kevbe Naftali, keghi viọ uhunmwu mwẹ atataobọ vbe odaro okuo.

I Samuẹl 9:21

E Sọl keghi wanniẹn wẹẹ, “Ovbi ẹwae Bẹnjamin ọ re I khin, ẹwae ne ọ kanmwa sẹ vbe Izrẹl. Ẹgbẹe erha mwẹ ọ re ọ vbe re ne ọ kanmwa sẹ vbe ẹwae nii, ẹgbẹe mwẹ ọ re ọ vbe re ne ọ ma hin usi vbe ẹwae nii. Vbọzẹ ne u ghi na ta ẹmwẹ vberriọ ma mwẹ?”