Psalm 68:25 - Edo Bible (E Baibol Ẹdo) Version 1996

²⁵ Avbe ọsian ke odaro avbe ikpemaba keghi lele iran iyeke avbe ibiẹka ikhuo ni kpe isẹ keghi rre ẹkpo iran.

Psalm 68:25 ပူးပေါင်းရင်းမြစ်များ

I Krọnikol 13:8

Vbene Devid kevbe emwa nekpa na gha ya ẹtin iran hia iwu ne iran ya rhie ọghọ ne Osanobua. Iran kegha so ihuan iran na gha kpe avbe ẹzi kẹn, akpata ema, isẹ kevbe okpe.

Psalm 63:3

Aho ruẹ ne ẹ i beghe maa sẹ arrọọ tobọre rhunmwuda ọnii mẹ gha rho ruẹ.

Psalm 77:14

Wẹ ọrọre Osanobua ne ọ winna iwinna ọyunnuan u rhie ẹtin ruẹn maa vbe uwu ẹbu agbọn ẹvbo.

Psalm 87:7

Iran kuru, iran so ihuan wẹẹ, “E Zaiọn ọrọre ehe ne afiangbe mwa hia ke rre.”

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Jerimaia 31:13

Avbe ibiẹka ikhuo ni rrọ gha ku iran ghi vbe gha ghọghọ avbe ikpia, igbama kevbe avbe ọmaẹn gha ghọghọ. I gha fu iran ẹko rre, I ghi ye akhiẹ iran khian oghọghọ.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Giọgis 11:34

E Jẹfta ghi dọlegbe die Mizpa ovbi ẹre ne okhuo keghi ladian, ọ na rhie ukusẹ ọ na gha ku bu ẹre dee. Ọmọ ọkpa kẹkan ne ọ mwẹ ọ re wa nọ, ẹ i ghi mwẹ ọmọ okpia ra ọmọ okhuo ọvbehe.

I Samuẹl 18:6

Avbe ivbiyokuo ghi die owa vbe e Devid ghi ke ehe ne ọ na gbe Golaiat rre nẹ, ikhuo keghi wa ke okpẹvbo hia ni rre Izrẹl ladian bu e Sọl sẹ odẹ. Iran na gha so ihuan oghọghọ, iran na gha kpe ukusẹ kevbe ẹgogo.