Psalm 68:17 - Edo Bible (E Baibol Ẹdo) Version 1996

¹⁷ E Nọyaẹnmwa tuorre ke Sainai gha dee ke irẹn kevbe ikẹkẹ okuo nekhua arriaisẹn inu ne ọ khin gha rrie uwu ehe ne ọ huanrẹn ọghọe.

Psalm 68:17 ပူးပေါင်းရင်းမြစ်များ

II Ọba 2:11

Vbene iran khian nii, iran kegha guan khian, vbe udomwurri, ikẹkẹ okuo ne ẹsin erhẹn si khian keghi wa la ẹkpo iran, ẹhoho ẹziza keghi mu Elaija gha rrie ẹrinmwi.

Psalm 18:10

Ọ keghi giẹgiẹ ye emwi ne a yi ọghọe ne ọ mwẹ ifuẹn, tin kpao; ọ keghi lele ifuẹn ẹhoho gha rriẹ okhian.

Psalm 9:12

Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Ẹksọdọs 3:5

Osanobua keghi kha wẹẹ, “Ghẹ ghi sikẹ edinran sẹ ọnii. Viọ ibata hin owẹ rre rhunmwuda otọ ne ọ huanrẹn ọre u mudia yan na.”

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Ezikiẹl 43:7

“Ovbi ọmwa, ghe ẹkete mwẹ vbe emwa na. I gha gu ivbi Izrẹl yin emwa na, I ghi vbe gha khaemwisẹ yan iran ẹdẹdẹmwẹdẹ. Ke ivbi Izrẹl kevbe avbe ọba iran, ne ọ gha ye dọlegbe fa eni mwẹ nọ huanrẹn uan, ẹ i ghi rrọọ, ogha re vbekpa ne a na gho ẹbọ ọvbehe nọ, ra vbekpa ne a na re ikun avbe ọba iran sikẹ emwa na nọ, ẹ i ghi dọlegbe sunu.

Ezikiẹl 43:9

Banbanna nian, te iran gha dobọ ẹbọ ne iran gho yi, iran ghi vbe viọ avbe ikun ọba iran ladian hin evba rre. Iran gha ru vberriọ, I gha gu iran yin kugbe ẹdẹdẹmwẹdẹ.”

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Habakọk 3:8

Avbe ẹzẹ ọ re ọ ya ohu mu ẹẹn ra Nọyaẹnmwa? Avbe okun ọ re ọ gie ohu kakabọ mu ẹẹn ra? Uhunmwu okuku amẹ ọ re uwẹ hin la khian; okuku amẹ okpẹhoho ọrọre ikẹkẹ okuo ruẹ, u keghi rhie akhọnmiotọ gie emwa ruẹn.

Matiu 26:53

Wẹ ma rẹn ighẹ mẹ gha sẹtin tu tie Erha mwẹ ne ọ yọ mwẹ obọ kevbe wẹẹ, rẹn gha sẹtin viọ gberra oka iweva ivbiyokuo odibosa gun mwẹ?

Diuteronomi 33:2

E Nọyaẹnmwa ke Oke Sainai gha dee, ọ keghi yan rre vbe owẹn yan Idọm, ọ keghi ke uhunmwu Oke Paran yunmwu yan emwa ẹnrẹn, Odibo Osa arriaisẹn igbe keghi deba ẹre erhẹn ne ọ baa kegha rre obọ erha ọmwa ẹnrẹn.

Arhie Maan 5:11

I keghi dọlegbe tọn aro mu ghe iran, I keghi họn ẹmwẹ avbe odibosa arriaisẹn igbe. Iran mudia lẹga ẹkete kevbe avbe emwi ne a yi ni ma wu enẹ nii, kevbe avbe ediọn nii.

Arhie Maan 9:16

Iran keghi tama mwẹ inu ivbiyokuo ne a viọ ẹsin na, ọ ke gha re ẹbo uri (200,000,000.)