Psalm 68:10 - Edo Bible (E Baibol Ẹdo) Version 1996

¹⁰ Emwa ruẹn bọlọ owa iran ye evba, rhunmwuda umamwẹ ruẹn, u keghi kpehe ne avbe ivbiogue.

Psalm 68:10 ပူးပေါင်းရင်းမြစ်များ

I Ọba 8:36

u ghi danmwehọ iran vbe ẹrinmwi, u ghi ya orukhọ ọba kevbe ọghe ivbi Izrẹl bọ iran. Ma iran vbene a yin ẹse hẹ, ne u gie amẹ rhọ ye otọ ruẹ, ne u mu ne emwa ruẹn ne ọ gha re ọghe iran ẹdẹdẹmwẹdẹ.

Psalm 65:10

U gie amẹ kakabọ rhọ ye ugbo ne a gua nẹ u kevbe gbe amẹ ya guagua ẹe ne ọ rọkhọ. U rhọ amẹ ye otọe nii ne ọ gha khuẹrhẹ u na vbe ru ẹe ne ivbi erhan zọ vbọ.

Psalm 65:11

U miẹn vbe emwiokọ ne iruẹmwi ẹse ruẹ rhie ne emwa bun hẹ! Ọkpọkua ghi gha rre ehe ne u la ẹe hia.

Psalm 65:9

U rhie maa vbene u gbe aro ghe otọe hẹ, vbene u na gie amẹ gha rhọ yọ u keghi ya ẹe gha maa ọ na vbe gha maa emwiokọ erriọ ọ re u ru ẹe.

Psalm 74:19

Ghẹ sẹ avbe emwa ruẹn ne ẹtin fo nẹ rae, ne eghian iran ne emwa dan. Ghẹ mianmian emwa ruẹn ne iran zẹ kpokpo.

Psalm 78:20

Ẹmwata nọ wẹ, ọ fi okuta emwi amẹ kegha lẹ ogbigbi ladian. Sokpan, ọ gha vbe sẹtin rhie evbare ne ima ra ne ọ vbe viọ emiowo gie emwa rẹn?”

Aizaia 40:29

Rẹn ọ re ọ rhie ẹtin ne iran ne ẹtin fo kevbe ne egbe wọre.

Nọmbas 16:3

Iran keghi do si egbe koko ye odaro e Mosis kevbe Errọn, iran tama iran wẹẹ, “Ọwua tua gbe, e Nọyaẹnmwa ọre ọ yan emwa nii hia, e Nọyaẹnmwa vbe rrọ yaba ima hia. Vbọzẹ ne uwẹ ne Mosis na ghi tọn egbe ruẹ mu yan emwa e Nọyaẹnmwa na hia?”

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Iyẹn ne ọ Maan Ọghe Luk 1:53

Ọ ye emwi ni maa koko iran ne ohanmwẹ gbe ne ẹko vuọn. Ọ keghi gie iran ni fe fi abọ gha rrie.

Diuteronomi 26:5

Iyeke onii wa ghi kha vbenian vbe odaro e Nọyaẹnmwa: ‘Ovbi Aremia, ne ọkpolugho ne ẹ i mwẹ owa ọ re erha mwẹ odede gha khin vbe ọ viọ emwa ẹgbẹ ọ re gha rrie Igipt ne ọ ya yin evba, ibozẹghẹ ọ re iran khin vbe iran khian, sokpan iran keghi do khian okpẹvbo ne ọ digba kevbe ne ọ mwẹ ẹtin.

I Pita 5:3

Ghẹ gha ho ne u gha khaemwisẹ yan iran ne a viọ nuẹn ne u gha gbe aro ghe, sokpan gha re ne a ghe ru ne oghẹn ohuan.

I Samuẹl 2:8

Ọ tọn iran ne ẹ i mwẹ mu hin uwu usẹ iran rre. Ọ ya iran ru ihuan ivbi ọba, ọ keghi viọ iran ye ukpo uyi. E Nọyaẹnmwa ọ re ọ yan ẹyotọ agbọn na, uhunmwu iran ọ re ọ bọ agbọn yan.