Psalm 68:1 - Edo Bible (E Baibol Ẹdo) Version 1996

¹ E Nọyaẹnmwa gua kpaegbe, ọ keghi zagha avbe eghian rẹn kua ọ munọ iran ni sọtẹ ghe ẹre gbotọ iran keghi lẹẹ.

Psalm 68:1 ပူးပေါင်းရင်းမြစ်များ

II Krọnikol 6:41

Guakpao nian e Nọyaẹnmwa Osanobua, uwẹ kevbe Ẹkpẹti Ile ne ima ya rẹn ẹtin ruẹn, la uwu Ọgua Osa ne u gha rre evba ni rhinrin ẹdẹ. Fiangbe avbe ohẹn ruẹn vbe emwi ne iran ru hia, ne ọyẹnmwẹ gha sẹ emwa ruẹn hia rhunmwuda ne u na maa ne iran.

Psalm 21:8

Ọba gha khọn munọ avbe eghian rẹn hia. Rẹn gha khọn munọ, iran ni khuiwu ẹre hia.

Psalm 44:26

Gha dee do yi ima obọ rhunmwuda ahoẹmwọmwa ruẹn ne ẹ i beghe miẹn mwa fan.

Psalm 59:11

Ghẹ gbele iran an Osanobua, ne avbe emwa mwẹ ghẹ ya mianmian, ya ẹtin ruẹn zagha iran an ne u khọn iran mutan, Nọyaẹnmwa ugue mwa.

Psalm 68:14

Ẹghẹ ne Osanobua ne Oghodua na zagha avbe ọba kua vbe Zalmọn ọ keghi gie esia de ye evba.

Psalm 68:30

Gu ẹe gui ighe Igipt nii ne aranmwẹ ọkhọ ne ọ rre uwu irunmwu, gu avbe agbọn ẹvbo gui avbe oghẹn ẹmila nii, deba avbe ẹkhuia iran negiẹrẹ rhinrin iran te do de ya igue viọ avbe esiliva iran guẹ. Zagha iran ne okuo yẹ kua.

Psalm 89:10

U piẹn Rehab ne Ugbogiorinmwi, u keghi gbe ẹe rua, u ya ẹtin ruẹn nọkhua khọn, avbe eghian ruẹn muotọ.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Aizaia 33:3

U gha gbinna ne ima, avbe uhunmwu ẹvbo ghi gha lẹ kua vbe iran a họn owogho okuo.

Ezikiẹl 5:2

U ghi gien obọkpa vbọ vbe adesẹ ore ẹvbo nii vbe okuo a ghi khọn gberra nẹ. U ghi viọ obọ ne ogieha nọkpa, u ghi ya umozo nii gha giagia ẹe kua vbe u a gha khian lẹga vbe u a ghi lahin ore ẹvbo nii rre nẹ. U ghi zagha obọ ne ogieha ne ọ dekẹe ku ẹhoho, mẹ gha ya umozo mwẹ khu ẹe.

Daniẹl 2:35

Vbe ọwarọkpa nii, ematọn ne ọ rrọọ, kevbe obuẹ, kevbe oze kevbe esiliva kevbe igoru na wa rẹnkhẹẹn uan, ọ yevbe ebubẹ vbe ehe ne a na dunmwu ọka vbe ẹghẹ okhuakhua, ẹhoho keghi kpolo ehia gha rrie, a na wa ho ehia bẹkun. Sokpan, okuta ne ọ rrọọ keghi do digba khian oke nọkhua, ne ọ wa gba otọe agbọn hia.

Nọmbas 10:35

Ẹkpẹti Ile nii gha wa si okhian, e Mosis ghi kha wẹẹ, “E Nọyaẹnmwa, kpaegbe ne u zagha avbe eghian ruẹn kua, ne u vbe khulo iran ni mu ohu ruẹ kua!”

Diuteronomi 7:10

Sokpan ẹ i sọn ọ te gha rria iran ni khuiwu ẹre ikhi.