Psalm 67:7 - Edo Bible (E Baibol Ẹdo) Version 1996

⁷ Osanobua fiangbe ima nẹ te emwa hia ni rre ehe hia gha ya ọghọ ne ẹẹn.

Psalm 67:7 ပူးပေါင်းရင်းမြစ်များ

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 29:11

E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Psalm 33:8

Wa ya ọghọ ne Nọyaẹnmwa, wa ne otọ hia, wa ya ọghọ ne ẹẹn, wa ne emwa ne agbọn hia.

Psalm 65:5

Wẹ rhie ewanniẹn ma vbekpa ne u na gie ima khọnmiotọ u keghi winna iwinna ọyunnuan nibun ya miẹn ima fan. Emwa ni rre otọ agbọn hia kevbe iyeke avbe okun ni rrei mu ẹtin yan ruẹn.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 98:3

Ọ ru zẹ vbene ọ ve ivbi Izrẹl re, vbe amuẹtinyan kevbe aho ne ẹ i beghe ne iran emwa hia ni rre ehe hia, miẹn akhọnmiotọ Osanobua mwa nẹ.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 43:6

I gha tama odẹ okuọ ne ọ gie iran gha rrie kevbe odẹ ekẹn wẹ ne ọ ghẹ da iran yi. Wa gie emwa ke otọe urria gha dee kevbe ehe hia vbe otọ agbọn gha dee.

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Levitikọs 26:4

I gha gie amẹ gie uwa vbe ẹghẹ ne ọ khẹ ke, vbene otọ gha na gha ma emwiokọ, avbe erhan ghi vbe gha mọ ọmọ.

Maika 5:4

Ọ gha rre, ẹtin ne ọ ke ehe ne Nọyaẹnmwa ye rre ọre ọ ra ya gha khaemwisẹ yan emwa rẹn, deba orrirri ọba ọghe Nọyaẹnmwa Osanobua tobọ ẹre. Emwa rẹn gha rrọ vbe a i mwẹ ebe rhunmwuda, otọ agbọn hia gha miẹn ukpọlọmwẹ ọnrẹn kue.

Zẹkaraia 8:12

Iran gha kọ emwiokọ iran vbe ọfumwegbe. Azara iran gha mọ alimo ayọn, otọe gha ma emwiokọ, amẹ gha vbe rhọ ẹsẹse. I gha rhie afiangbe na hia ne emwa ẹvbo mwẹ ni miẹn uhunmwu vbọ.

Zẹkaraia 9:10

E Nọyaẹnmwa khare wẹẹ, “I gha viọ avbe ikẹkẹ okuo hin otọe Izrẹl rre. I ghi viọ avbe ẹsin hin e Jerusalẹm rre; avbe uhanbọ ne a lo vbe okuo, a gha bunnọ ehia a. Ọba ruẹ gha ru adọlọ ọfumwegbe ye ẹbu avbe uhunmwu ẹvbo; ọ gha khaemwisẹ ke okun ya sẹ okun ke Ẹzẹ Yufretes kpao yasẹ ehe ne agbọn sẹe.”

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Iwinna 13:47

Rhunmwuda erriọ Nọyaẹnmwa yi ẹre iyi ne ima wẹẹ, “ ‘Mẹ viọ uwa mudia zẹ vbe uwanmwẹ iran ni i re Ju, ne uwa gha re odẹ imiẹnfan ne otọ agbọn hia.’ ”

Iwinna 2:28

Wẹ ma mwẹ odẹ ne ọ rrie odẹ ẹfe nẹ, u gha mudia ke mwẹ, ne u rhie oghọghọ mẹ.’

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Galatia 3:9

Ebraham yayi, a keghi fiangbe ẹe, rhunmwuda ọnii, emwa hia ni yayi, a vbe fiangbe iran vbe ne a fiangbe irẹn.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”