Psalm 66:3 - Edo Bible (E Baibol Ẹdo) Version 1996

³ Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Psalm 66:3 ပူးပေါင်းရင်းမြစ်များ

Psalm 18:44

Avbe orhunmwuyẹn ghi gha diguẹ mẹ. Iran gha họn urhu mwẹ iran ghi gha ru vbene I khare.

Psalm 18:45

Te afianma ghi fian iran, iran ke ehe ne avbe owa ọkhẹ ye gha dee. Iran gha guọ zẹzẹzẹ.

Psalm 47:2

E Nọyaẹnmwa ne Ne ọ yo sẹẹ Ehia ọmwa ne a mu ohan rẹn nọ; ọba nọkhua ọ re nọ, ọmwa ne ọ khaemwisẹ yan otọ agbọn hia.

Psalm 65:5

Wẹ rhie ewanniẹn ma vbekpa ne u na gie ima khọnmiotọ u keghi winna iwinna ọyunnuan nibun ya miẹn ima fan. Emwa ni rre otọ agbọn hia kevbe iyeke avbe okun ni rrei mu ẹtin yan ruẹn.

Psalm 68:30

Gu ẹe gui ighe Igipt nii ne aranmwẹ ọkhọ ne ọ rre uwu irunmwu, gu avbe agbọn ẹvbo gui avbe oghẹn ẹmila nii, deba avbe ẹkhuia iran negiẹrẹ rhinrin iran te do de ya igue viọ avbe esiliva iran guẹ. Zagha iran ne okuo yẹ kua.

Psalm 76:12

Osanobua ru ẹe ne emwa gha mu ohan irẹn ọ munọ iran ni tọn egbe mu rriotọ ọ keghi vbe runran avbe ọba nekhua.

Psalm 81:15

Ohan gha mu iran ni khuiwu mwẹ, iran gha do gha mu uhunmwu gbotọ mẹ. Irriakhi iran gha a rrọọ rhinrin ẹdẹ.

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 25:3

Ivbi ẹvbo ni mwẹ ẹtin gha rho ruẹ a gha mu ohan ruẹn vbe ore avbe uhunmwu ẹvbo dan.

Aizaia 40:26

Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Aizaia 64:3

Ẹghẹ ọkpa rrọọ ne u na rre, u na do ru emwi ne ọ runran ọmwa, egbe ne ima ma rhie aro yi, avbe oke nekhua bẹghe ruẹ, iran kegha guọọ ne ohan.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.