Psalm 66:13 - Edo Bible (E Baibol Ẹdo) Version 1996

¹³ I gha viọ ese ne a giẹn uan rriẹ owa ruẹ, I gha viọ emwi ne I ve ye urhu guẹ.

Psalm 66:13 ပူးပေါင်းရင်းမြစ်များ

Job 22:27

U gha na erhunmwu, ọ ghi họn we ghi vbe gha ha emwi ne u ve.

Psalm 100:4

Wa ye ekpọnmwẹ la onurho Ọgua Osa, wa vbe ya urhomwẹ gha rriẹ ẹguae ẹre, wa gha kpọnmwẹ ọẹn, ne uwa vbe gha rho ẹre.

Psalm 116:14

I gha hae ẹre emwi ne I ve ẹre re vbe ehe ne emwa rẹn hia gbe ẹbu yi.

Psalm 118:19

Wa kie urho Ọgua Osa ye otọ mẹ I gha la uwu ẹre ne I ya kpọnmwẹ e Nọyaẹnmwa.

Psalm 118:27

E Nọyaẹnmwa ọrọre Osanobua ọ wa vbe ru ima ẹse dee ẹdẹ wa viọ abọ erhan mwẹ obọ ne uwa suẹn emwi ukpo nii ne uwa gbe ukpukpẹ lẹga ogiukpo.

Psalm 22:25

I gha rho ruẹ ye emwi ne u ru, vbe adesẹ iko ne ọ gbae, vbe sirra iran hia ni ga a, I gha zọ ese emwi ne I ve.

Psalm 56:12

Osanobua mẹ gha ha emwi ne imẹ ve ne uẹn mẹ gha viọ emwi imuohan ọghe ekpọnmwẹ mwẹ nuẹn.

Psalm 65:2

Rhunmwuda ne u na họn erhunmwu, emwa hia gha ke ehe hia bu ruẹ rre, rhunmwuda orukhọ iran.

Asan-Ibo 5:4

Rhunmwuda ọnii, u gha ve Osanobua emwi, zẹgiẹgiẹ ru ẹe vbene u gha sẹtin rhulẹ ru ẹe sẹ. Rẹn i mwẹ vbe ọ ya ọzuọ ru. Ru emwi ne u yanrẹn ighe u gha ru.

Jona 2:9

Sokpan mẹ gha so ihuan urhomwẹ ghe ruẹ I gha zọ ese ghe ruẹ, I ghi vbe ru zẹ vbene I yan rẹn. Ọghe Nọyaẹnmwa ore imienfan ke rre!”

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Diuteronomi 23:22

A deghẹ a ma ve Nọyaẹnmwa emwi, ẹ i re orukhọ.

Diuteronomi 23:23

Sokpan, u gha ghi ya ekhọe obọ ru ẹe ve emwi nẹ, gie a miẹn wẹ u muẹn sẹ.

Diuteronomi 23:24

“U gha lele odẹ ne ọ rre ugbo emwiokọ ne a ya rua ayọn ne ọ baa ọghe ovbi Izrẹl ne ogieva ruẹ khian, u sẹtin kọlọ ọmọ rẹn re vbene ọ khọn ruẹn, sokpan ghẹ ya okhuae rhie vbọ kpa vbe evba rre.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

Giọgis 11:35

Rẹn keghi bẹghe ẹre, ọ keghi ye akhiẹ yanghan ukpọn ye egbe ẹre urhu, ọ na kha wẹẹ, “Eu, ovbi mwẹ! U kpan mwẹ udu nẹ, vbe a ghi na miẹn hẹ ighẹ wẹ ọ re ọ do si obalọ vbenian yọ mwẹ egbe. I ye ekhọe hia yan ma e Nọyaẹnmwa nẹ, ẹ i mwẹ I ma mu ẹẹn sẹ.”