Psalm 65:4 - Edo Bible (E Baibol Ẹdo) Version 1996

⁴ Afiangbe ọrọre ọghe iran ne uwẹ hannọ zẹ, ne uwẹ vbe viọ gha dee do di owa ruẹ ne ọ huanrẹn ya emwi esiesi ni rre owa ruẹ gha sẹ ima ọkẹn, afiangbe ọghe Ọgua Osa ne ọ huanrẹn ruẹn.

Psalm 65:4 ပူးပေါင်းရင်းမြစ်များ

II Krọnikol 6:39

U ghi họn erhunmwu iran. U ghi họn urhu iran vbe owa ruẹ vbe ẹrinmwi ne u tohan iran, ne u ya orukhọ hia ọghe emwa ruẹn bọ iran.

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Psalm 15:1

Nọyaẹnmwa, de ọmwa ne ọ gha la uwu Ọgua Osa ruẹ? De ọmwa ne ọ gha ga, vbe Zaiọn ne oke ne ọ huanrẹn ruẹn?

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 23:6

Aro mwẹ dae wẹ aro ne ọma kevbe aho ẹmwẹ ọmwa ruẹn, gha gunmwẹ gha rrọọ, vbe ẹdagbọn mwẹ hia. Kevbe wẹ, owa ruẹ ọ re imẹ ra gha ye vbe ẹdẹ hia ni I gha ya vbe agbọn.

Psalm 24:7

Wa bilo urho nii ye otọ gbodoo wa kie avbe ẹkhu arre ni uan, Ọba nọkhua gha la owa.

Psalm 33:12

Afiangbe ọrọre ọghe uhunmwu ẹvbo ne Nọyaẹnmwa re Osanobua ẹre. Afiangbe ọrọre ọghe emwa ne irẹn zẹ ya ru ọghọe.

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Psalm 38:5

Ẹtẹ mwẹ wia, ọ vbe kẹkẹ ua rhunmwuda ukọnmwẹ mwẹ.

Psalm 4:3

Wa yerre wẹ, e Nọyaẹnmwa zẹ ọmwa ẹmwata ya ru ọghọe nẹ, ọ vbe họn urhu mwẹ vbe I gha kpe tie ẹre.

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Psalm 84:4

Ọmakin iran ni rre uwu Ọgua Osa ruẹ, ni vbe so ihuan urhomwẹ ghe ruẹ, vbe ẹghẹ hia.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

II Tẹsalonaika 2:13

Ẹ i mwẹ ma ma gha kpọnmwẹ Osanobua ne uwa vbe ẹghẹ hia, etẹn mwẹ, wa ne Nọyaẹnmwa ho ẹmwẹ ọnrẹn. Rhunmwuda, te Osanobua hannọ uwa zẹ, zẹ vbe emwa ne okaro ne a gha ya ẹtin nene Orhiọn miẹnfan, ne a miẹn ehe na ya uwa khian emwa ni re ọghe Osanobua tobọ ẹre, kevbe rhunmwuda iyayi ne uwa mwẹ ye ẹmwata.

Arhie Maan 3:12

Ọmwa ne ọ khọn miẹn otọ, I gha ya ẹe ru orre vbe Ọgua Osa ọghe Osanobua mwẹ, ẹ i ghi vbe kpao vbe evba ẹdẹ. I ghi gbẹn eni Osanobua mwẹ yan rẹn, Jerusalẹm ne ọgbọn ne ogha ke obọ Osanobua mwẹ ke odukhunmwu tuorre gha di otọ. I gha vbe gbẹn eni mwẹ ne ọgbọn yan rẹn.